FITRANDRAHANA HARENA AN-KIMBONY TANY AO DABOLAVA TSY MISY TAMBERIM-BIDY HATRETO MISY TOMPON’ANDRAIKA AMBONY AMBADIK’IREO SINOA
Malaza amin’ny harena an-kimbony tany ny distrikan’ny Miandrivazo saingy hatreto dia tsy hita soritra ao ireo harena an-kimbony tany mivoaka avy ao satria manao izay tiany atao ireo mpitrandraka sy mpividy vokatra ao na dia nanao ezaka aza ireo tompon’andraika ao amin’ny faritra Menabe amin’ny fampidirana ireo mpitrandraka sy mpandraraha eo amin’ny sehatra ity ho amin’ny ara-dalàna saingy indrisy fa nohon’ny fidiran’ireo sinoa izay nisy baiko nidina dia tsy afa-manoatra ny rehetra etsy an-kilany koa dia misy koa ireo manararaotra milaza fa tompon-tany ka mandrava ny vokatr’ireo mpitrandraka ary maka vola amin’ireo mpivarotra koa manao antso avo amin’ny filoham-pirenena hajaina ireo mpitrandraka madinika sy ny filoham-pokotany ary ny hofan’ny Ben’ny Tanan’ny mba hijery akaiky ny fitrandrahana ao amin’ny kaominina ambanivohitra Dabolava satria efa tsy misitraka tamberim-bidy izy ireo mbola hiaran’ny tsindry sy fanararaotam-pahefana izay voalaza fa minisitra sy avy any amin’ny fiadidianana ny repoblika no mibaiko ka tsy misy afa manohatra ny rehetra.
Hatreto dia ahiana ny hampitoka-monina ny faritra Menabe satria dia efa tena ratsy tanteraka ny lalana mampitohy an’i Dabolava sy Miandrivazo indrindra fa manomboka eo Ankiranomena ka miantso ny tompon’andraika mba hijery azy io alohan’ny hilatsahan’ny orana.
RA PA
