FANOLORANA IREO FOTO-DRAFITR’ASA MANARAKA NY HAITAO ARA-KAJY MIRINDRA TETO BETSIZARAINA, COMMUNE AMBOHIMANGAKELY.
Ministry ny fampiroboroboana sy fanovàna ny haitao ara-kajy mirindra, ny Paositra ary ny fifandraisan-davitra, Tahina RAZAFINDRAMALO dia nanolotra ireo fitaovana sy fotodrafitr’asa manaraka ny teknolojia vaovao ho an’ireo mponina ao an-toerana.
️ Notokanana araka izany teto amin’ny Biraon’ny Fokontany sy ny Akany tao Betsizaraina ny “WIFI GRATUIT”, izay ahafahanan’ny mponina misitraka internet maimaimpoana. Tao ihany koa no nizarana tamin’ny fomba ofisialy ireo finday sy solosaina mandeha amin’ny herin’ny masoandro ho an’ny biraon’ny Fokontany tao Betsizaraina.
Tonga nanotrona izany Andriamatoa Ben’ny Tanàna RADAFY Thierry sy ny mpiara-miasa aminy ary hisaorana manokana Andriamatoa Minisitra (MNDPT) sy ireo mpiara-miasa aminy nanolotra izany fanomezana izany.
Nangonin’i ‘Lay Mahintsy
