« Ho maro ny olo vositra amity agny »
Ny 28 Febroary 2024 vao nilaza tamin’ny Bde Vondrozo ny sefo fokontany fa nisy nanolana zaza tsy ampy taona tao Vohimary Masitafika kaominina sy distrikan’i Vondrozo tamin’ny 20 Febroary 2024 maraina.
Zazavavy 07 taona ao Vohimary Masitafika io nisy nanolana io tao antranony fa lasa tany antsaha ny reniny. Niditra ankeriny tao ity mpanolana ity. Nobedainy ilay zaza ary nanamparany ny filan-dratsiny dia nandositra izy avy teo. Nitomany ilay zaza nitantara ny nanjo azy tamin’ny reniny.
Nifanaraka ny Ray aman-dreny fa hatao raharaham-pihavanana ny raharaha fa tsy voaloa ilay onitra ka nahatonga ny reniny hitory.
Nentina tamin’ny mpitsabo tao amin’ny CHRD Vondrozo ilay zaza. Voaporofo tamin’ny fitsirihana fa nisy nanolana tokoa. Nosamborina ilay nahavanondoza. Hatolotra ny fampanoavana tsy ho ela.
Ho vositra lezalahy ity niany.
