« Fitiavan-tanindrazana no nahalavo ireo havantsika, mpiray tanindrazana amintsika lavo teny Ambohitsirohitra 15 taona lasa izay, koa rariny raha tsarovana manokana izy ireo androany, omem-boninahitra ary tsy very maina ny rà latsaka tamin’izany fa tsy maintsy mitohy hatrany ny tolona dia ny hampandroso an’i Madagasikara »
Raha fintinina dia io no teny nataon’ny Filoham-pirenena Andry Nirina RAJOELINA, raha nahatsiaro ny tolona natao izay efa 15 taona lasa izay.
Tonga nanatitra fehezam-bonin-kazo teny Antaninarenina ny tenany, miaraka tamin’ireo Mpikamba marobe ao amin’ny Antoko TGV, UPAR, MAPAR izy androany. Ary olom-boatendry sy olom-boafidy maro.
Fa ankoatry ny tenany dia tonga teny ihany koa ny Praiminisitra teo aloha Monja Roindefo ZAFITSIMIVALO, sy ireo mpiara-dia aminy nanatitra fehezambonin-kazo tamin’ny anaran’ny teanany manokana, tamin’izany no nanambarany fa raha ny « Demokrasia » no nimatimatesana tamin’izany fotoana, dia mifanipaka amin’izany no iainana ankehitriny.
Ireo avy ao amin’ny Fikambanana KMD ( Komity Miaro ny Demokrasia) koa dia nahatsiaro manokana an’ity vaninandron’ny 07 Febroary ity, izay notarihin’ny Filohany
Nangonin’ Lay Mahintsy
