π Ny maraina ny alatsinainy faha dimy febroary dia namory ireo lehiben’ny fokotany eto amin’ny kaominina Ambonivohitry Morondava ny lehiben’ny vondritobim_pileovana Menabe Colonel Fanevarison Onimihary sy ny lehiben’ny vondritobim_paritra Morondava Capitaine Ramaroson Zo eo anivon’ny zandarimaria ka tamin’izany no nampatsiahivina ny andraikitry ny lehiben’ny fokotany ary ny fandaminana ny tanana satria tena maloto sady tery ny lalana ka tsy maintsy halamina izay ary hampihofanina ireo kartie mobile, nisy koa ny fampitaovana ny fikambanan’ny filoham_pokotany ka notolorana solosaina iray mba hanamora ny asa satria tokony hisy ny anarana sy sarin’ny mponina rehetra ao amin’ny lehiben’ny fokotany, santatra ambavarano izao fa raha ny tokony ho izy dia samy manana solosaina isaky ny fokotany ka hanaovana antso avo amin’ny malalan_tanana ny Tomponandraikitra .
π Velom-pisaorana noho izany ny Filohan’ny fikambanan’ny fokotany Andriamatoa vitasoa Niriko Augustin satria dia manampy amin’ny fanaovana asa izay ary nilaza ny Filohan’ny fokotany fa vonona ny hiara_hiasa tanteraka amin’ny mpitandron’ny filaminana Mitohy hatrany moa ny fampandriham_pahalemana ato Menabe nilaza moa colonel Faneva fa tsy maintsy atao izay hampilamina ny eto Morondava satria eto no renivohitry ny faritra ka tokony ho filamatra tsy azo ekena ny hoe mbola hisy vaky trano eto Morondava, fa ny eto Morondava aloha milamina tsara ary jerena koa ireo manodidina.
π Nangonin’i Ra Pa – Menabe
