Antafia/Kaominina Maevatanàna faharoa: Trano tafo-bozaka niisa dimy no may kilan’ny afo.

👉 Ny hariva tokony tamin’ny 04 ora latsaka fahefany no niantombohan’ny afo, tamin’ny trano tafo-bozaka iray, ka nihitatra tamin’ireo trano tafo-bozaka efatra ambiny izany, tao amin’ny fokontan’Antafia, any amin’ny kaominina Maevatanàna faharoa hoan’ny anio.

👉 Haingana arak’izany ny fihitaran’ny afo teto. Soa ihany fa nalaky niara-nisala tamin’ny famonoana ny afo, tao andrefana/afovoan’ny, ao an-tanànan’Antafia ny fokon’olona sy ny Zandary miasa any an-toerana no voavonjy hatrany ny entana rehetra, tamin’ireo trano tafo-bozaka ireo. Tsy nisy ny aina nafoy sy ny olona naratra, nandritra izany.

👉 Eto am-pamaranana ny lahatsoratra dia tsara hatrany mampahafantatra fa mbola tsy fantatra ny tena nahatonga ny firehetana, satria tsy nisy tao ireo olona tompon-trano fa mandeha miasa volamena any an-tsaha, saingy mamonjy fiodiana isaky ny hariva be. Efa noraisin’ny fianakaviany an-tanàna kosa ireo olona traboina.

Nangonon’i Zandry be Tantely