ANDRON’NY SEKOLY CISCO AMPARAFARAVOLA

289 0

Notanterahana androany Alarobia 28 Febroary 2024 tao amin’ny ZAP Vohimena ny fanokafana tamin’ny fomba ofisialy ny andron’ny Sekoly ho an’ny Cisco Amparafaravola.

Nanontrona sy nanome vonihitra izany ireo solombavam-bahoaka sy olo-manakaja sivily sy miaramila, ary tamin’io fotoana io ihany koa no nanolorana mari-pakasitrahana ireo mpampianatra mendrika eo anivon’ny Cisco.

Fantatra moa fa nisy mpianatra 05 nisolo tena ny Cisco Amparafaravola nihatrika fifaninana ara-panatanjahan-tena tany Zimbabwé farany teo ka dia niarahaba sy nirary soa azy ireo ny Solombavam-bahoaka Émiline RAKOTOBE sady nanolotra fanomezana ihany koa ho fampirisihana azy ireo hanao ny tsatsakokoa hatrany.

Tao aorian’ny lanonana dia niroso tamin’ny fambolem-kazo 🌱🌱 tao amin’ny tanin’ny CEG Vohimena ny rehetra ho fanokafana ny taom-pambolen-kazo antsekoly ho an’ny Cisco Amparafaravola.

Nangonin’i Lova – Ambato

Related Post

𝗟𝗬𝗖𝗘𝗘 𝗣𝗢𝗟𝗘 𝗠𝗢𝗥𝗢𝗡𝗗𝗔𝗩𝗔 𝗛𝗔𝗥𝗘𝗡𝗜𝗡’𝗡𝗬 𝗙𝗘𝗙𝗙𝗜 𝗦𝗬 𝗡𝗬 𝗠𝗔𝗜𝗡𝗧𝗜𝗠𝗢𝗟𝗔𝗟𝗬

Posted by - septembre 9, 2024 0
𝑨𝒓𝒂𝒌𝒚 𝒏𝒚 𝒅𝒊𝒅𝒊𝒎-𝒑𝒂𝒏𝒋𝒂𝒌𝒂𝒏𝒂 𝒍𝒂𝒉𝒂𝒓𝒂𝒏𝒂 2024-068 𝒕𝒂𝒎𝒊𝒏’𝒏𝒚 23 𝑱𝒂𝒏𝒐𝒂𝒓𝒚 2024 𝒊𝒛𝒂𝒚 𝒎𝒊𝒕𝒂𝒌𝒚 𝒏𝒚 𝒇𝒂𝒏𝒂𝒗𝒂𝒐𝒛𝒂𝒏𝒂 𝒏𝒚 𝑭𝑬𝑭𝑭𝑰 𝒆𝒏𝒚 𝒂𝒎𝒊𝒏’𝒏𝒚 𝑬𝑷𝑷 𝒔𝒚 𝑪𝑬𝑮…