𝗠𝗘𝗡𝗔𝗕𝗘 : 𝗛𝗲𝘁𝘀𝗶𝗸𝗮 « 𝗩𝗮𝗿𝗮𝘃𝗮𝗿𝗮𝗻𝗮 𝗠𝗶𝘀𝗼𝗸𝗮𝘁𝗿𝗮 » 𝗵𝗮𝗻𝗮𝗺𝗼𝗿𝗮 𝗻𝘆 𝗳𝗮𝗺𝗮𝗵𝗮𝗻𝗮 𝗻𝘆 𝗼𝗹𝗮𝗻’𝗻𝘆 𝗳𝗮𝗻𝗮𝗻𝗮𝗻-𝘁𝗮𝗻𝘆 𝘀𝘆 𝗻𝘆 𝗳𝗮𝗻𝗮𝗼𝘃𝗮𝗻𝗮 𝘁𝗶𝘁𝗿𝗲 𝗳𝗼𝗻𝗰𝗶𝗲𝗿

Nanatanteraka hetsika « 𝐕𝐚𝐫𝐚𝐯𝐚𝐫𝐚𝐧𝐚 𝐌𝐢𝐬𝐨𝐤𝐚𝐭𝐫𝐚 » ny Fitaleovam-paritry ny Fanajariana ny Tany sy ny Raharahan-tany Menabe androany valo Jolay 2026 , hetsika natao handraisana sy hamahana mivantana ireo fitarainana sy olana sedrain’ny olom-pirenena momba ny fananan-tany, ny fanajariana ny tany ary ny fandrefesan-tany.
Araka ny fanazavan’ny 𝐓𝐚𝐥𝐞𝐧’𝐧𝐲 𝐅𝐢𝐭𝐚𝐥𝐞𝐨𝐯𝐚𝐦-𝐩𝐚𝐫𝐢𝐭𝐫𝐲 𝐧𝐲 𝐅𝐚𝐧𝐚𝐣𝐚𝐫𝐢𝐚𝐧𝐚 𝐧𝐲 𝐓𝐚𝐧𝐲 𝐬𝐲 𝐧𝐲 𝐑𝐚𝐡𝐚𝐫𝐚𝐡𝐚𝐧-𝐭𝐚𝐧𝐲 𝐌𝐞𝐧𝐚𝐛𝐞, 𝐀𝐧𝐝𝐫𝐢𝐚𝐦𝐚𝐭𝐨𝐚 𝐑𝐚𝐬𝐞𝐝𝐢𝐦𝐚𝐡𝐞𝐟𝐚 𝐓𝐬𝐢𝐦𝐢𝐡𝐞𝐛𝐨, dia fanatanterahana ny toromarika napetraky ny 𝐟𝐢𝐥𝐨𝐡𝐚𝐧’𝐧𝐲 𝐟𝐚𝐧𝐚𝐯𝐚𝐨𝐳𝐚𝐧𝐚 𝐂𝐨𝐥𝐨𝐧𝐞𝐥 𝐌𝐢𝐜𝐡𝐚𝐞̈𝐥 𝐑𝐚𝐧𝐝𝐫𝐢𝐚𝐧𝐢𝐫𝐢𝐧𝐚,  nandritra ny diany teto Morondava, no anton’ity hetsika ity.
Nambarany fa tsy hijanona eto amin’ny renivohi-paritra ny asa, fa hotanterahina 𝐢𝐬𝐚𝐦-𝐛𝐨𝐥𝐚𝐧𝐚 ny varavarana misokatra. Ankoatra izany dia hisy 𝐟𝐢𝐝𝐢𝐧𝐚𝐧𝐚 𝐢𝐟𝐨𝐭𝐨𝐧𝐲 any amin’ireo distrika dimy mandrafitra ny Faritra Menabe, izay hanomboka ny 𝟏𝟓 𝐉𝐨𝐥𝐚𝐲 𝟐𝟎𝟐𝟔, mba hanakaikezana bebe kokoa ny vahoaka.
Mandritra ireo fidinana ireo dia hiasa eny ifotony ireo teknisianina sy tompon’andraikitra amin’ny fanatanterahana ny fiarovana ny tanim-panjakana, ny fanaovana 𝐭𝐢𝐭𝐫𝐞 𝐟𝐨𝐧𝐜𝐢𝐞𝐫 𝐟𝐚𝐨𝐛𝐞, ny fanentanana momba ny lalàna mifehy ny fananan-tany ary ny famahana avy hatrany ireo olana sedrain’ny mponina.
Nohamafisin’Andriamatoa Rasedimahefa Tsimihebo fa ny 𝐟𝐢𝐝𝐢𝐫𝐚𝐧𝐚 𝐞𝐧𝐲 𝐢𝐟𝐨𝐭𝐨𝐧𝐲 no fomba mahomby indrindra hamahana ny olan’ny fananan-tany, satria maro amin’ireo olana no sarotra voavaha raha miandry ny fahatongavan’ny olona eny amin’ny biraom-panjakana.
Anisan’ireo olana voaray nandritra ity varavarana misokatra ity ny 𝐟𝐢𝐛𝐨𝐝𝐨𝐚𝐧𝐚 𝐭𝐚𝐧𝐲 𝐞𝐟𝐚 𝐦𝐚𝐧𝐚𝐧𝐚 𝐭𝐢𝐭𝐫𝐞, ny fanelingelenana amin’ny dingana fanaovana titre, ny tsy fahampian’ny fahalalan’ny olona ny lalàna ka ahafahan’ny hafa manararaotra ny fananany, ary koa ireo raharaha momba ny tany efa tonga eny amin’ny fitsarana.
Araka ny nambaran’ny Talem-paritra dia ny 𝐭𝐬𝐲 𝐟𝐚𝐡𝐚𝐟𝐚𝐧𝐭𝐚𝐫𝐚𝐧’𝐧𝐲 𝐨𝐥𝐨𝐦-𝐩𝐢𝐫𝐞𝐧𝐞𝐧𝐚 𝐧𝐲 𝐥𝐚𝐥𝐚̀𝐧𝐚 𝐦𝐢𝐟𝐞𝐡𝐲 𝐧𝐲 𝐟𝐚𝐧𝐚𝐧𝐚𝐧-𝐭𝐚𝐧𝐲 sy ny 𝐭𝐬𝐲 𝐟𝐚𝐧𝐨𝐫𝐚𝐭𝐚𝐧𝐚 𝐚𝐫𝐚-𝐝𝐚𝐥𝐚̀𝐧𝐚 𝐧𝐲 𝐭𝐚𝐧𝐢𝐧𝐲  no isan’ny fototry ny fifandirana maro. Noho izany dia hamafisina ny fanentanana ny vahoaka hanao 𝐭𝐢𝐭𝐫𝐞 𝐟𝐨𝐧𝐜𝐢𝐞𝐫, 𝐜𝐚𝐝𝐚𝐬𝐭𝐫𝐞, ary 𝐤𝐚𝐫𝐚𝐧-𝐭𝐚𝐧𝐲, izay heverina ho antoka lehibe hiarovana ny zon’ny tompon-tany sy hampihenana ny ady tany.
Ny tanjon’ny Fitaleovam-paritra amin’ity fandaharanasa ity dia ny hanakaiky kokoa ny vahoaka, hanatsara ny kalitaon’ny tolotra omena ary hampihena ireo olana mifandraika amin’ny fananan-tany manerana ny Faritra Menabe.
Afa-po sy nankasitraka izao hetsika izao moa ireo tonga niatrika ity Varavarana misokatra ity ary nilaza izy ireo fa raha izao no mitohy dia tsy hatahotra ny olona hamonjy biraom-panjakana ary tsy hisy intsony ny ady tany sy fibodoana tany.
✍️RA PA