Nivoaka ny biraonโny Sampana misahana ny fikarohana heloka bevava teny Fiadanana taminโny 4 ora sy 45 minitra hariva, ny alakamisy 9 Jolay 2026, i Ismaรซl Razafinarivo, talenโny famoahana ao aminโny Radio Antsiva, rehefa avy nanaovana fanadihadiana nandritra ny adiny efatra mahery.
Araka ny fanazavana nomeny teo ivelanโny birao, nilamina ny fizotranโny fakana am-bavany. Tsy mbola nambarany kosa ny antsipiriany momba ireo fanontaniana napetraka sy ny valiny nomeny, noho ny tsiambaratelonโny famotorana izay tsy maintsy hajaina mandritra ny fanadihadiana.
Voalaza ao aminโny taratasy fampiantsoana fa ahiahiana ho nanao famoahana vaovao tsy marina sy fampirisihana ho aminโny fankahalana na incitation ร la haine ny talenโny famoahanโny Radio Antsiva. Fiampangana mbola eo am-panadihadiana anefa ireo, ka tsy tokony horaisina ho porofon-keloka raha tsy misy fanapahan-kevitra ara-pitsarana manamarina izany.
Notroninโny mpisolovava azy sy Andry Rakoto, mpandrindra ny CT-OJM, i Ismaรซl Razafinarivo nandritra ny fakana am-bavany. Tsy mbola nisy fanazavana ofisialy nivoaka momba izay mety ho tohinโny raharaha.
Ny fahalalahanโny asa fanaovan-gazety no iray aminโireo andry iorenanโny fiarahamonina demokratika. Rehefa ampanginina ny mpanao gazety, mihamalemy ny demokrasia; rehefa matahotra miteny ny vahoaka, manomboka manjaka ny jadona.
Nangonin ‘Lay Mahitsy
