𝐈𝐒𝐓𝐇–𝐄𝐗𝐂𝐄𝐋𝐋𝐄𝐍𝐂𝐄 : 𝐃𝐈𝐀 𝐅𝐈𝐁𝐄𝐀𝐙𝐀𝐍𝐀 𝐍𝐀𝐌𝐏𝐈𝐅𝐀𝐍𝐃𝐑𝐀𝐘 𝐍𝐘 𝐓𝐄𝐎𝐑𝐈𝐀 𝐒𝐘 𝐍𝐘 𝐙𝐀𝐕𝐀-𝐌𝐈𝐒𝐘 𝐓𝐀𝐍𝐘 𝐌𝐎𝐑𝐎𝐍𝐃𝐀𝐕𝐀

Tafiditra ao anatin’ny paikady fanofanana ny sekoly ity hetsika ity, izay mikendry ny hampifandray ny teoria sy ny traikefa azo tsapain-tanana eny an-kianja, indrindra eo amin’ny sehatry ny fizahan-tany sy ny fitantanana hotely.

Nandritra izany, nahazo fahafahana nijery sy nandinika mivantana ny fomba fiasan’ireo trano fandraisam-bahiny sy hotely tao an-toerana ireo mpianatra. Nahazo fanazavana momba ny fandraisana vahiny, ny fitantanana anatiny ary ny paikady ara-barotra eo amin’ny sehatry ny fizahan-tany ihany koa izy ireo.

Tafiditra tao anatin’ny fandaharam-potoana ny fitsidihana ireo toerana manan-danja ara-tontolo iainana sy ara-kolontsaina, anisan’izany ny Avenue des Baobabs, ny ala honko, ary ny Radio Kolondoy, izay nanampy tamin’ny fanitarana ny fahalalana sy ny traikefan’ireo mpianatra.

Araka ny fanadihadiana natao teny an-toerana dia afa-po tamin’ity dia fibeazana ity ireo mpianatra, izay nilaza fa nanampy betsaka tamin’ny fampifandraisana ny fianarana sy ny zava-misy eny an-kianja izany.

Araka ny nambaran-dRamatoa 𝙈𝙞𝙖𝙧𝙖𝙣𝙖 𝙍𝘼𝙈𝘼𝙃𝙊𝙇𝙄𝙎𝙊𝙉, filoha mpanorina ny sekoly, dia mikendry ny hanofana tanora Malagasy hahafehy ny sehatry ny fizahan-tany sy ny fitantanana hotely ny ISTH–Excellence, kanefa tazomina ho takatry ny fahefa-mividin’ny Malagasy ny Saram-pianarana

Amin’ny ankapobeny, manamafy ity hetsika ity fa mitana anjara toerana lehibe amin’ny fanofanana matihanina ny traikefa mivantana, indrindra eo amin’ny sehatry ny fizahan-tany eto Madagasikara.

: +261340907190

: contact@excellence.mg

: 44 rue Jean Andriamady Faravohitra, Antananarivo, Madagascar

: https://web.facebook.com/excellence.isth