𝐕𝐨𝐚𝐬𝐚𝐳𝐲 𝟐𝟎 𝐭𝐚𝐨𝐧𝐚 𝐚𝐧-𝐭𝐫𝐚𝐧𝐨𝐦𝐚𝐢𝐳𝐢𝐧𝐚 𝐧𝐲 𝐌𝐞́𝐝𝐞𝐜𝐢𝐧 𝐂𝐨𝐥𝐨𝐧𝐞𝐥 𝐑𝐚𝐤𝐨𝐭𝐨𝐦𝐚𝐦𝐨𝐧𝐣𝐲 𝐏𝐚𝐭𝐫𝐢𝐜𝐤

Posted on juillet 3, 2025 at juillet 4, 2025 by feonydemokrasia

38 0

Antananarivo, 3 Jolay 2025 – Navoaka omaly ny didim-pitsarana manameloka an’i Rakotomamonjy Patrick, kolonely sady mpitsabo (Médecin Colonel) teo anivon’ny tafika, noho ny heloka bevava mahakasika fandriampahalemana sy fiarovana ny ain’olona.

Araka ny fanapahan-kevitry ny Fitsarana manokana miady amin’ny kolikoly (PAC), sazy 20 taona an-tranomaizina no nampiharina amin’ity manamboninahitra ambony ity, izay nitsoaka any ivelany amin’izao fotoana izao.

Antony nampangaina azy:

Fandrahonana ho faty

Fanohintohina ny filaminam-bahoaka

Fanalambaraka imasom-bahoaka

Ankoatra izany, olona iray hafa voalaza fa mpiray tsikombakomba tamin’ity kolonely ity ihany koa dia voasazy 10 taona an-tranomaizina.

Araka ny fanazavana azo, miisa roa ireo olona nosazian’ny Fitsarana tamin’ity raharaha ity, izay niakatra sy notsaraina teny amin’ny PAC (Pôle Anti-Corruption).

Ny fanapahan-kevitry ny Fitsarana dia maneho indray ny finiavan’ny rafitra ara-pitsarana hiady amin’ny heloka bevava atao na dia avy amin’ny olona ambony aza.