Tokantrano 17000 manerana ny faritra 23 eto Madagasikara no hanaovana fanadihadiana mandritra ny fanatanterahana ny andiany faha-11 amin’ny EPM 2025 na fanadihadiana ny toe-piainan’ny tokantrano malagasy. Hanomboka ny 01 ny volana Martsa ho avy izao hatramin’ny Jona 2025 ny fizarana voalohany amin’ity fanadihadiana ity; ny volana Aogositra- Novambra 2025 kosa ny fizarana faharoa.Efa misy rija-panotaniana voarafitra ary natao hifanaraka amin’ny zavamisy hapetrak’ireo mpanao fanadihadiana efa nahazo fiofanana amin’ireo tokantrano ireo. Santionany amin’izany ny fisitrahana fahasalama, ny asa misy, ny seha-pamokarana,….ary ny maro hafa. Tanjona ny ahafahana mandrefy ny fivoaran’ny toe-piainan’ny malagasy sy ahazoana antotanisa azo antoka ahafahana mandray fanapahan-kevitra.Hidina ifotony amin’ireo tokantrano voafantina hanaovana fanadihadiana ireo mpanadihady ka hentanina ny tokantrano mba hanoka-baravarana azy ireny ary hanome valiteny marina fa tsiambaratelo avokoa ny valim-panotaniana rehetra.Hampiasa « tablette » ihany koa izy ireo fa tsy taratasy toy ny hatramin’izay intsony ary hanao fanamiana miavaka sy mitondra karatra.
M.Elvina
