Sekoly filamatra ananan`ny raiamandrenin`ny mpianatra toky ny Ecole la Bonne Nouvelle, mijoro ao Mandritsara efa ampolo taona mahery. Tsy mitsahatra ny mpitantana manatsara ny lentan`ny fanabeaaana ao anatiny sy ivelany. Ankoatra ny fampitomboana ny lentam-panabeazana amin`ireo mpanabe ny ezaka fa avaozina sy ampitomboana ny fotodrafitrasa.
Ankatoka fiatrehana taom-pianarana vaovao izao dia nampitombo efitranon-tsekoly ny mpitantana. Efitrano 3 vaovao no noraisina androany alatsinainy 13 janoary 2025. Nahazo trano vaovao izao ny kilasy 6 eme sy 5 eme ary 4 eme.
Tsy mihemotra ny sekoly amin`ny taham-pahaizana ananan`ny mpianatra beaziny. Mampiavaka azy ity ny fifotorana amin`ny fandalinana ny teny vahiny, miara-dalana koa ny fampianarana ireo ankizy mpianatra hifotra amin`ny filazantsaran`i Jesoa Kristy.
Nangonin`i Claudio
