π
πππππππππππ ππ ππππ πππππ : πππππ’ππ πππππππ πππππ π
ππππ ππ ππ’ππππ ππππππ ππ ππππ’ππ πππππ ππππππππ
Ny zo hanana anarana no zo fototra voalohany tokony ananan’ny olona mba afahany misitrika ny zo hafa rehetra sy mandia ny fiainana andavanandro. Izany zo hanana anarana izany dia azo amin’ny alalan’ny sora-pahaterahana.
Noho izany indrindra no nanatanterahan’ny Ministeran’ny Fitsarana, izay notarihan’ny Mpitahiry ny Fitombokasem-panjakana, Ministry ny Fitsarana, Rtoa RANDRIAMANANTENASOA Landy Mbolatiana, hetsika kopia faobe ho an’ireo ankizy eo amin’ny Akany Akamasoa.
Raha tsiahivina dia tamin’ny 4 jona lasa teo no nanaovana ny fitsarana mitety vohitra momba io hetsika io. Ka anio alarobia 24 Jolay no fisantarana izany ka nanomezana ireo kopia lava azo avy amin’izany fitsarana izany.
Ankizy miisa 615 no nisitraka izany hetsika kopia faobe izany ka nizarana ireo sora-pahaterahana, fizarana izay natrehan’i Mopera Pedro sy ny Fitsarana Ambaratonga Voalohany eto Antananarivo ary ny Kaominina Ambanivohitra Ambohimangakely.
Izao hetsika fidinana ifotony fijerevena ny mety hanampiana ireo mpiara belona izao dia fanatanterahina ny andry voalohany izay « Fanandrantana ny maha olonaΒ Β» satria dia fitsinjovana ny zon’ny ankizy sy ny maha olom-pirenena azy ireo, sy ny andry fahatelo izay napetraky ny fitondram-panjakana dia ny « Fanjakana tsara tantanaΒ Β» satria dia manakaiky vahoaka hatrany ny Fitsarana.Araka ny nambaran’ny Ministra dia azon’ny olona rehetra ny manao fangatahana didim-pitsarana misolo sora-pahaterahana raha tsy manana kopia lava ny olona iray, ka afaka manantona ny Fitsarana Ambaratonga Voalohany rehetra erak’i Madagasikara momba izany ny Vahoaka.
