𝗠𝗢𝗥𝗢𝗡𝗗𝗔𝗩𝗔 : 𝗙𝗜𝗗𝗜𝗥𝗔𝗡’𝗡𝗬 𝗠𝗣𝗜𝗔𝗡𝗔𝗧𝗥𝗔 𝗧𝗦𝗬 𝗧𝗔𝗡𝗧𝗘𝗥𝗔𝗞𝗔 𝗜𝗟𝗔𝗬 𝟬𝟬 𝗔𝗥𝗜𝗔𝗥𝗬 𝗙𝗔 𝟭𝟬.𝟱𝟬𝟬 𝗔𝗥𝗜𝗔𝗥𝗬 𝗛𝗔𝗧𝗥𝗔𝗠𝗜𝗡’𝗡𝗬 𝟯𝟱.𝟬𝟬𝟬 𝗔𝗥𝗜𝗔𝗥𝗬 𝗡𝗢 𝗛𝗔𝗟𝗢𝗛𝗔

Raha ny fadaharm-potoana navoakan’ny ministeran’ny fanabeazam-pirenena dia ny alatsinainy faha sivy ny volana septembre teo no tokony hanomboka ny taom-pianarana 2024-2025 dia tsy voahaja izany satria izao vao manomboka manoratra ny anaran’ny zanany ireo ray aman-dreny ka tara zany ny fiatombohan’ny taom-pianarana amin’ity ny antony moa araka ny fanadihadiana izay natao dia nohon’ny fahasahiranan’ny ray aman-dreny satria na dia nilaza aza ny minisitry ny fanabeazam-pirenena fa tsy andoavam-bola ny fampidirana mpianatra eny amin’ny sekolim-panjakana dia tsy izay ny zava-misy raha ny eto Morondava fa 10.500 Ariary hatramin’ny 35.000 Ariary isan-jaza ny vola aloha amin’ny fampidirana mpianatra manomboka amin’ny EPP sy CEG ary Lycée eto Morondava .

Antony tsy mahatan-teraka ilay 00 Ariary moa raha ny fanadihadiana natao no nahalalana fa folo isan-jatony fampiodinana ny sekoly ihany no vitan’ny tohana avy amin’ny fanjakana ary mbola tara koa ary ny fatongavan’io satria efa any amin’ny volana Mars any farany malaky vao tonga ka tsy maintsy mandoha vola ny ray aman-dreny mba hampiodinana ny sekoly ankoatran’ny karaman’ny mpampianatra FRAM sy ny mpiandry ny sekoly ary ny Jirama satria tsy misy loharanom-bola hafa ny akamaroan’ny sekolim-panjakana na dia eo ary ny FEFFI izay natsangana eny amin’ny sekolim-panjakana rehetra ary nasiana fanavaozana moa tamin’ity raompianarana ity saingy tsy ampy ny fampihofanana ireo mpitarika ny FEFFI ka tsy mahalala ny andraikiny ny rehetra ka variana mitantana ny vola kely izay misy eo fa tsy misy mba mitady loharanom-bola hafa mba hanampiana ny sekoly .

Angatahan’ireo talen-tsekoly ny mba hampiakarana ny tohana avy amin’ny fanjakana na ilay antsoina hoe caisse école ary alefa alohan’ny fidirana amin’ny taom-pianarana mba afahan’ny sekoly miodina ara-dalana sy hanamaivana ny fahasahiranan’ny ray aman-dreny .

Na dia izany aza anefa dia hita fa mazoto ny ray aman-dreny nampiditra ny zanany an-tsekoly nohon’ny tenin-dramatoa minisitra hoe 00 Ariary ny fampidirana mpianatra ka sahirana ireo talen-tsekoly sy tompon’andraikitra eny ifotony satria ny voafetra ihany ny mpianatra azo raisina nohon’ny foto-drafitrasa sy tsy fahampian’ny mpampianatra ka voatery manao ezaka fanamboarana efitrano Sekoly sy fanokafana sekoly vaovao ny tompon’andraikitra ka isan’izany ny fanokafana ny Lycée Pole annexe ao Belo sur Mer .

Manoloana izany rehetra izany moa dia nanam-pakevitra ny Chef Cisco fa hamory ireo talen-tsekoly sy mpitarika FEFFI rehetra eto Morondava ny asabotsy izao mba hijerena vaha olana amin’ity resaka fandraisana anjaran’ny ray aman-dreny ity .

Etsy ankilany moa dia mitaraina ireo ray aman-dreny fa ny fiainana sarotra nefa tsy maintsy mandoha vola ny fampianarana anefa tsizarizary ny fahasahiranana anefa hoy ireo tojo anay dia tsy afaka hampianatra ny zaza any amin’ny sekoly tsy miankina izahay hoy hatrany ireo ray aman-dreny .

Fampatsiahivana fotsiny fa ny lalampanorenana Malagasy ao amin’ny zana-dohateny 2 ny amin’ny zo sy adidy momba ny toekarena sy sosialy ary koltoraly ao amin’ny andininy faha 24 dia milaza mazava fa « Mandamina fanabeazam-bahoaka maimaimpoana sy takatry ny rehetra hidirana ny fanjakana. Ny fampianarana ambaratonga voalohany dia tsy maintsy ataon’ny rehetra »
Nangonin’i Ra-Pa Menabe