Mijoro araka ny fitaizana nomena azy ireo ny tanora adventiste eto Mandritsara ka tsy mitsahatra manatanteraka hetsika fanaony isan-taona rehefa tonga ny fankalazana ny « Global Youth day » lohahevitra amin`ny taona 2025 izao ny hoe « A community transformed » Misandrahaka amin`ny lafiny maro ny fikolokoloana ny Jeunes Adventiste hampisy ny fiovana amin`ny sehatra tsara : eo ny ara-panahy ao anatin`ny fiangonana, fanampiana ny fiarahamonina koa. Nisafidy nanao asa soa ho an`ny be antitra ao amin`ny fokontany Mandritsara ambony tanora ireto androany alahady 16 martsa. Be antitra 30 no nomena savony ho fidiovana ka velom-pisaorana ny hetsika nataon`ny JA izy ireo « Hadio lamba tafianay, hoatr`izany koa ny vatana. Samia ho tahianjanahary antsika » hoy ireo Ray amandreny mpisitraka. Tsy izay ihany fa nanadio lalan-drano sady nanaisotra lobolobo manodidina tohatohatra avy ao Ankobasoa makatra Mandritsara koa ny Tanora advantista.
Mitsinjo fiarahamonina ny Jeunes Adventiste, misokatra amin`ny sehatra maro indrindra ny ara-piarahamonina ny tanora hoy Pasteur district Mandritsara, Solofoson Zex Pizzani. Velom-pankasitrahana ny sefo fokontany moa izy ireo teto satria tsy nanda ny hanaovana hetsika izao ny mponina ao an-toerana. Hahitatra amin`ny fokontany hafa ny asa soa amin`ny taona manaraka hoy hatrany ny mpitarika.
Nangonin`i Claudio
