Toamasina : Feno fankasitrahana ny fitondram-panjakàna ny mponina ao Morarano,manoloana ny fahavitan’ny lalana avy eo amin’ny 4 Chemins Morarano hatrany amin’ny lalan-tapaka Verrerie.
Raha tsiahivina dia nandritran’ny taona maro no nisedra olana ny mponina manoloana ny faharatsian’io lalana io. Nanapa-kevitra ny fitondram-panjakàna,tamin’ny alalan’ny Ministeran’ny Asa Vaventy fa hatao laharam-pahamehana ny fanamboarana io lalana io,ka dia vita tsara izy ao. Manoloana an’izany dia nankasitraka ny Minisitry ny Asa Vaventy Atoa Rafidison Richard Theodore ( Zamanjaza Zamanjaza ) sy Rtoa VPAN Toamasina iz’ireo androany, sady nisaotra ny Governoran’ny Faritra Atsinanana Mpisolo toerana sy ny Ben’ny Tananan’ny Toamasina. Nahavita ny azy ny Fitondram-panjakàna ,fa anjaran’ny vahoaka kosa no mikolokolo ny fotodrafitr’asa,ka nanatanteraka asa tanamaro famafan-dalana ,ireo fikambanam-behivavy sy ny lehiben’ny fokotany ao amin’ny arrondissement Morarano androany. Tonga nanotrona az’ireo ireo Tompon’andraikitra avy amin’ny Faritra Atsinanana sy ny Commune Urbaine de Toamasina.Nangonin »i Claudia Tsitolomy Tena Izy
