𝐂𝐢𝐭𝐨𝐲𝐞𝐧𝐬 𝐑𝐞𝐬𝐩𝐨𝐧𝐬𝐚𝐛𝐥𝐞𝐬 𝐩𝐨𝐮𝐫 𝐌𝐚𝐝𝐚𝐠𝐚𝐬𝐜𝐚𝐫 (𝐂.𝐑.𝐌.) : 𝐕𝐢𝐧𝐚𝐧’𝐧𝐲 𝐟𝐢𝐚𝐫𝐚𝐡𝐚𝐦𝐨𝐧𝐢𝐧𝐚 𝐭𝐨𝐦𝐩𝐨𝐧’𝐚𝐧𝐝𝐫𝐚𝐢𝐤𝐢𝐭𝐫𝐚 𝐡𝐨 𝐚𝐧’𝐢 𝐌𝐚𝐝𝐚𝐠𝐚𝐬𝐢𝐤𝐚𝐫𝐚

Ny Citoyens Responsables pour Madagascar (C.R.M.) dia hetsika tarihin’ny injeniera franco-malagasy Alan Manciet Andrianandrasana, izay manolotra rafitra fampandrosoana miorina amin’ny soatoavina kristianina sy ny fandraisana andraikitry ny olom-pirenena.
Manoloana ny krizy politika miverimberina sy ny fahasahiranana mbola manjaka, mikendry ny hanangana fiarahamonina mirindra, matanjaka ary mahaleo tena ara-toekarena ny C.R.M.
𝐓𝐚𝐧𝐣𝐨𝐧𝐚 :
Hampiroborobo ny fampandrosoana ifotony sy ny famoronana harena ao an-toerana.
Hampiray ny diaspora sy ireo namana manohana an’i Madagasikara mba hananganana tambajotra matanjaka sy mirindra.
Hamporisika ny fandraisana andraikitry ny olom-pirenena, ny fandraharahana ary ny firaisankina.
Miorina amin’ny fampianaran’i Jesosy Kristy sy ny fahitan’i Ezekiela, ny tetikasan’ny C.R.M. dia mizara ho lafin-javatra efatra : ny olom-pirenena, ny fampandrosoana, ny fiainana andavanandro ary ny fanelezana ny rehareham-pirenena maneran-tany.
𝐀𝐬𝐚 𝐚𝐭𝐚𝐨 𝐟𝐨𝐭𝐨𝐭𝐫𝐚 :
– Fananganana orinasa, fikambanana ary fiaraha-miombon’antoka.
– Fanapariahana ny Armée Civile Sociale de Madagascar (ACSM).
– Fananganana fotodrafitrasa fototra : sehatry ny fahasalamana, fanabeazana, fitaterana, fonenana, kolontsaina, fiarovana ary fitsarana.
– Fanorenana birao C.R.M. any ivelany hanamafisana ny anjara toeran’ny diaspora amin’ny tetikasa sosialy sy ara-toekarena.
Miorina amin’ny rafitra mazava sy maoderina ny fikambanana — MADARISE Development Holdings, SGDC, ary ireo Antenimieran’ny Toe-karena ho an’ny Renim-pianakaviana (AEM) sy ny Tanora (AEJ) — ary tohanan’ireo mpiara-miombon’antoka eo amin’ny tontolon’ny zavaboahary, ny zavakanto ary ny fiarovana.
Mizara ho dingana telo mandritra ny 50 taona ny vinan’ny C.R.M. : fanorenana sy fampahavitrihana, fanitarana maharitra ary fampitana ho an’ny taranaka.
𝐕𝐨𝐤𝐚𝐭𝐫𝐚 𝐚𝐧𝐝𝐫𝐚𝐬𝐚𝐧𝐚 :
– Fihenan’ny kolikoly
– Fitomboan’ny asa sy ny fandraharahana
– Fihenan’ny hetra manindry vahoaka
– Fisondrotan’ny vola miditra sy ny fahefa-mividy
– Fanamafisana ny firaisankina sy ny fitondrana mangarahara
𝗖.𝗥.𝗠. : 𝘃𝗶𝗻𝗮, 𝗳𝗶𝗻𝗼𝗮𝗻𝗮 𝗮𝗿𝘆 𝗳𝗶𝗻𝗶𝗮𝘃𝗮𝗻𝗮 𝗵𝗼 𝗮𝗻’𝗶 𝗠𝗮𝗱𝗮𝗴𝗮𝘀𝗶𝗸𝗮𝗿𝗮.