Ao aminβny faritra Menabe, andrefanβi Madagasikara, mitombo isanβandro ireo olona mitady harena ankibonβny tany. Ao aminβny kaominina ambanivohitra Dabolava, distrikanβi Miandrivazo, ao aminβny fokontany Ankiranomena, no misy ny kariera Besakay, toerana fitrandrahana vato colombite izay nahasarika mpitrandraka anβarivony nanomboka ny fiandohanβny taona 2025.
Vokatry ity fitrandrahana dia nitombo be ireo mpifindra monina ao amin’ny kariera . Maro aminβizy ireo no efa miorim-ponenana eny amin’nyΒ kariera, manangana toby sy trano vonjimaika.
Hita eny an-toerana ihany koa ireo vahiny, indrindra ireo Sinoa, izay mividy sy miasa aminβny sehatry ny fitrandrahana.
Anisanβny mampanahy ny fisianβireo zaza tsy ampy taona maro miasa eny aminβny kariera. Zaza tokony ho any an-tsekoly, saingy tafiditra aminβny asa mafy sy mampidi-doza sahady.
Tsy maharaka ny fitomboanβny mponina ny tolotra ara-pahasalamana. Tsy tafiditra ao anatinβny lisitry ny mponina ao aminβny CSB II Dabolava ireo mpitrandraka, ka sarotra ny fanaraha-maso.
Maro ireo reny miteraka eny an-toerana, ary betsaka aminβireo zaza no tsy mahazo vaksiny ara-potoana.
Simba ny tontolo iainana nohon’nyΒ lavaka lalina vokatry nyΒ fitrandrahana, simba ny tany ary voa ny loharanon-drano. Vokany, miparitaka ny aretina toy ny tazomoka, aretin-kibo ary aretina mifindra.
Mandoa vola isanβandro ireo mpitrandraka vao mahazo miasa. Saingy maro no milaza fa tsy mitovy ny tombontsoa azo.
Etsy ankilany, tsy mazava ihany koa ny tamberim-bidy ho anβny kaominina, na dia misy vola miditra aza.
Manoloana izany rehetra izany dia mipetraka ny fanontaniana:
π Aiza no miafara ny vola avy aminβny fitrandrahana?
π Iza no tena mahazo tombony?
Ao Besakay, mitady harena ny olonaβ¦ saingyΒ am-badik’izany dia tandindomin-doza ny fahasalamanβny mponina, ny zonβny ankizy ary ny tontolo iainana.
Nangonin’i RA PA




