Nosokafana tamin’ny fomba ofisialy tao amin’ny CEG Miandrivazo ny Talata 16 Jona 2026 ny fanadinana CEPE sy fidirana amin’ny 6รจme ho an’ny Faritra Menabe. Notarihin’ny Talem-paritry ny Fanabeazam-pirenena ato Menabe, niaraka tamin’ireo manam-pahefana eo an-toerana sy ireo superviseurs avy amin’ny MEN, ny lanonana fanokafana.
Miisa 10 204 ireo mpiadina nisoratra anarana manerana ny CISCO dimy, ka 9 939 no tonga niatrika ny fanadinana, raha 265 kosa no tsy tonga, nahatonga ny tahan’ny fandraisana anjara ho 97,40 %.
Anisan’ireo mampiavaka ity andiany ity ny fisian’ny mpiadina zokiny indrindra, 38 taona, ao amin’ny CISCO Belo Tsiribihina, ary ny zandriny indrindra, 7 taona, ao amin’ny CISCO Morondava.
Nisongadina ihany koa ny fandraisan’anjaran’ireo ankizy roa manana fahasembanana amin’ny fitenenana (moana) avy ao amin’ny SEMAMO Morondava, izay niatrika ny fanadinana tahaka ireo mpiadina rehetra.
Araka ny tatitra voaray, dia mizotra am-pilaminana ny fanadinana manerana an’i Menabe, ary arahi-maso akaiky eny an-kianja ny fizotry ny fanadinana ataon’ireo tompon’andraikitra isan-tsokajiny.
โ๏ธRA PA
๐๐๐ฃ๐/๐ฒ๐ฒฬ๐บ๐ฒ ๐ฎ๐ฌ๐ฎ๐ฒ ๐ ๐๐ก๐๐๐ : ๐ง๐ฎ๐ต๐ฎ๐ป’๐ป๐ ๐ณ๐ฎ๐ป๐ฑ๐ฟ๐ฎ๐ถ๐๐ฎ๐ป๐ฎ ๐ฎ๐ป๐ท๐ฎ๐ฟ๐ฎ ๐บ๐ฎ๐ต๐ฎ๐๐ฟ๐ฎ๐๐ฟ๐ฎ ๐ต๐ณ,๐ฐ๐ฌ %, ๐ฎ๐ป๐ถ๐๐ฎ๐ป’๐ถ๐ฟ๐ฒ๐ผ ๐บ๐ฝ๐ถ๐ฎ๐ฑ๐ถ๐ป๐ฎ ๐ป๐ ๐ผ๐น๐ผ๐ป๐ฎ ๐บ๐ฎ๐ป๐ฎ๐ป๐ฎ ๐ณ๐ฎ๐ต๐ฎ๐๐ฒ๐บ๐ฏ๐ฎ๐ป๐ฎ๐ป๐ฎ ๐ฟ๐ผ๐ฎ
Posted on juin 16, 2026 at juin 24, 2026 
