𝐌𝐚𝐧𝐝𝐫𝐢𝐭𝐬𝐚𝐫𝐚 – 𝐌𝐏𝐀𝐍𝐀𝐌𝐏𝐘 𝐍𝐀𝐌𝐀𝐃𝐈𝐊𝐀 𝐌𝐏𝐀𝐌𝐏𝐈𝐀𝐒𝐀 𝐀𝐙𝐘

✦Tovovavy iray 18 taona, mpanampy tamina tokantrano iray eto Mandritsara no tra-tehaky ny polisim-pirenena rehefa namadika mpampiasa azy. Noraofiny avokoa ny kojakoja rehetra tao an-tokatrano rehefa lasa namonjy asa ny tompon-trano ny talata 06 febroary teo. Mpitaiza zaza 2 tona no fanarahana natao tamin`ny vehivavy ity vao herinandro monja. Nivadi-tsaina izy ka nangalariny avokoa ny kojakoja (𝐕𝐢𝐥𝐚𝐧𝐲, 𝐤𝐢𝐫𝐚𝐫𝐨, 𝐩𝐢𝐧𝐜𝐞, 𝐟𝐢𝐡𝐨𝐠𝐨, 𝐬𝐨𝐥𝐨𝐦-𝐛𝐨𝐥𝐨 « 𝐩𝐨𝐬𝐭𝐢𝐜𝐡𝐞 » 𝐥𝐚𝐦𝐛𝐚𝐧-𝐣𝐚𝐳𝐚, 𝐬𝐚𝐤𝐨𝐬𝐲, 𝐯𝐚𝐥𝐢𝐳𝐲, 𝐯𝐨𝐥𝐚 100.000 𝐀𝐫, 𝐑𝐚𝐯𝐚𝐤𝐚 𝐯𝐨𝐥𝐚𝐟𝐨𝐭𝐬𝐲…) tao an-trano. Napetrany irery ilay zazakely dia lasa izy. Hatairana ny an`ny Ray amandrenin`ny zaza ka avy hatrany nampandre ny mpitandro filaminana.

 

✦Ampandosirana hiala eto Mandritsara izy no tratran`ny velam-pandrika nataon`ny Polisim-pirenena, naondrany tamin`ny fiara ireo entana halatra, nialoha lalana izy avy eo. Efa nipetrapetraka ny tetika nataon`ny mpitandro filaminana ka nosamborimpotsiny izy raha iny hiondrana fiara nanoloana vavahadin`ny Sekoly Katolika etsy Ambohipo.

 

𝐍𝐚𝐧𝐞𝐧𝐭𝐚𝐧𝐚 𝐧𝐲 𝐂𝐨𝐦𝐦𝐢𝐬𝐬𝐚𝐢𝐫𝐞 𝐝𝐞 𝐏𝐨𝐥𝐢𝐜𝐞, 𝐓𝐎𝐕𝐎𝐋𝐀𝐇𝐘 𝐎𝐝𝐢𝐧, 𝐚𝐧𝐝𝐫𝐨𝐚𝐧𝐲 𝐚𝐥𝐚𝐤𝐚𝐦𝐢𝐬𝐲 8 𝐟𝐞𝐛𝐫𝐨𝐚𝐫𝐲 𝐧𝐲 𝐦𝐛𝐚 𝐡𝐢𝐭𝐚𝐧𝐝𝐫𝐞𝐦𝐚𝐧`𝐧𝐲 𝐭𝐬𝐢𝐫𝐚𝐢𝐫𝐚𝐲 𝐦𝐚𝐧𝐨𝐥𝐨𝐚𝐧𝐚 𝐧𝐲 𝐟𝐚𝐧𝐝𝐫𝐚𝐢𝐬𝐚𝐧𝐚 𝐨𝐥𝐨𝐧𝐚 𝐡𝐢𝐚𝐬𝐚 𝐭𝐨𝐲 𝐢𝐭𝐨𝐧𝐲 𝐦𝐛𝐚 𝐡𝐚𝐦𝐨𝐭𝐨𝐩𝐨𝐭𝐨𝐭𝐫 𝐭𝐬𝐚𝐫𝐚. « Fantaro tsara ny olona raisintsika, ny kara-panondrony… » hoy izy tamin`ny tafa nataony tamin`ny mpanao gazety. Nakarina eny amin`ny fampanoavana maraina io moa ny raharaha.