Efa nanomboka tany amin’ny Repoblika faha-2 no nipoitra ny valifaty pôlitika » hoy ny solombavambahoaka Gascar Fenosoa raha nitondra ny fanehoan-keviny manoloana ny fanakatonana ny foiben-toeran’ny antoko HVM eny Andraharo. Mitovy ihany ny nataon’ny mpanohitra androany sy ireo mitondra androany ka hialana amin’ny fomba fanao pôlitika ankehitriny sy ny valifaty pôlitika no tena antony voalohany nananganana ny Vovonana Mouvement Gasikara. Iharan’ny valifaty aloha izao ny HVM izay mpiaradia amin’ny TIM ary hitohy foana io raha mbola io fomba fanao pôlitika io no atao eto. Lasa mahatonga ny fivadihana palitao na fidirana am-ponja na sesitany ho an’ny mpanao politika io valifaty politika io ; ny vahoaka anefa ankilany lasa adino ka miha-mahantra.
M.Elvina
