Tsy maintsy ataontsika ny hanenana hatrany amin’ny 80% farafahakeliny ny delestages eto Antananarivo sy ny hahafahan’ny olona miasa. Tetibola mihoampampana no atokan’ny Fitondram-panjakana hanampiana ny JIRAMA ka tsy ekena kosa raha efa ampandeferina ny vahoaka no tsy tomombana ny tolotra omena azy ireo.
Toromarika no nomeko ny hampandehanana ireo groupes TAC goavana ao Ambohimanambola na dia eo aza ny fandaniana solika 300 tapitrisa ariary isan’andro takian’ny fampandehanana azy ireo. Hanampy izany ny fanetsehana ireo groupes rehetra eo anivon’ny JIRAMA mandeha amin’ny fuel lourd.
Ho an’ny lavitr’ezaka dia hatramin’ny 1000MW ireo ivon-toerana mpamokatra herinaratra avy amin’ny angovo azo havaozina hapetraka manerana ny Nosy. 250MW amin’izany dia avy amin’ny famatsiam-bolan’ny Fitondram-panjakana madiodio.
Mafy ny hiainantsika ankehitriny fa ny tenako manokana dia tsy maintsy hiaro ny vahoaka Malagasy, hitondra ny vahaolana ary hitondra hazavana isaky ny tokantrano.
Loharanom-baovao : SE.AndryRajoelina
