“𝐓𝐬𝐲 𝐫𝐚𝐫𝐢𝐧𝐲!” — 𝐓𝐨𝐯𝐨𝐯𝐚𝐯𝐲 𝐦𝐩𝐢𝐚𝐧𝐚𝐭𝐫𝐚 𝐢𝐫𝐚𝐲 𝐥𝐚𝐬𝐢𝐛𝐚𝐭𝐫𝐲 𝐧𝐲 𝐡𝐞𝐫𝐢𝐬𝐞𝐭𝐫𝐚𝐧’𝐧𝐲 𝐦𝐩𝐢𝐭𝐚𝐧𝐝𝐫𝐨 𝐟𝐢𝐥𝐚𝐦𝐢𝐧𝐚𝐧𝐚

Tovovavy mpianatra iray eny amin’ny Anjerimananontolo, ao amin’ny faritra Fianarantsoa, no voasambotry ny zandary io maraina io, araka ny vaovao azo avy amin’ny loharanom-baovao eo an-toerana.

Nambaran’ireo nanatri-maso fa norahonana, nompaina ary notaritaritina toy ny jiolahy tratra an-tanana ity tovovavy ity nandritra ny fisamborana, zava-nitranga izay niteraka fanehoan-kevitra sy fanehoan-kevitra feno ahiahy teo amin’ny mpiara-mianatra aminy.

Fantatra fa isan’ireo mpianatra nandray anjara tamin’ny hetsika fitakiana ny zon’izy ireo ity tovovavy lasibatry ny herisetra ity. Tsy mbola nisy hatreto ny fanazavana ofisialy navoakan’ny tompon’andraikitra mikasika ny antony sy ny fepetra noraisina taorian’ny fisamborana.

Mitaky fampahafantarana mazava sy fanadihadiana tsy mitanila ireo mpiara-mianatra sy ny fianakavian’ilay tovovavy, manoloana ny tranga izay lazain’izy ireo fa manohintohina ny zon’olombelona sy ny fiarovana ny mpianatra.