Ny Kaominina SADABE, dia iray amin’ireo Kaominina ato anatin’ny Distrikan’i Manjakandriana, eto anivon’ny Faritra Analamanga.
Ankoatr’ilay tetik’asa lehibe, dia ilay lalam-be miala eto Antananarivo, mihazo an’i Toamasina Renivohitr’i Betsimisaraka, izay tsy lavitry ny tananan’i Sadabe dia manana ny mampiavaka azy ity tanana mianoka tanteraka ao anatry natiora madio sy milamina ity.
Raha araka ny fanazavana nomen’Andriamatoa ANDRIANASOLO Martin isan’ireo tompon-tanindrazana, ary iray amin’ireo taranaky ny olona voalohandohany tety, dia zanak’Andriambe no Mponina eto Sadabe, ary mifamatotra tanteraka amin’ny tantaran’Andrianamponimerina.
Mpiompy sy mpamboly ny vahoaka ato anatin’ity Kaominina ity, kanefa maro ihany koa ny mivelona amin’ny asan-tanana izay efa lova nolovaina avy amin’ireo Ray aman-dreny izay efa nialoha lalana.
Mahay mifanampy sy miray hina ny Razantsika tety hoy RASOARAINIMANDIMBY Herverd, ka tokony hotohizan’ireo taranaka mifandimby aty aoriana izany.
Nangonin’Lay Mahitsy
