Nohon’ny rotsak’orana misesisesy dia simba ary mila tsy ho azo ampiasaina intsony ny lalam-pirenena faha enina (RN), ity lalam-pirenena ity dia mampitohiny an’Antsiranana sy Antananarivo, eo Befotaka -Maromandia moa no tena ahitana sy iharan’izay faharatsian-dalana izay.
Amin’izao fotoana izao, dia Kamiao 4 sy fiara fitaterana mahery ny 15 no mihato nanomboka omaly Zoma 23 Febroary 2024, araka ny filazan »ireo Mpitatitra dia lalina loatra ny lavaka misy eny an-dalana ka miteraka fahasimban’ny fiara, ankoatry ny oran’andro mifafy any an-toerana.
Noho izany dia velon-taraina ireo mponina sy vahoaka mivelona any amin’ity faritra ity, ka mangataka ny hijeren’ny mpitondra fanjakana ny fahavoazana lehibe mahazo azy ireo.
Nangonin’i Sela FANAMBARANA
