Tsy vitan’ny fisamborana sy fanagadrana ary ny herin’ny basy ny ady amin’ny doro tanety izay hita mirongatra eto amintsika hoy RAJERISON Antoine,solombavambahoaka voafidy tao Arivoninamo fa ny rafi- piarahamonina no mila apetraka.
Io rafi-piarahamonina io mantsy no mahafantatra ny zavamisy eny ifotony fa tsy ny ety ivelany ary tokony beazina sy hentanina ahatsapa ny maha-zavadehibe ny fiarovana ny tontolo iainana eo amin’ny fiainany.
Loza mitatao ny dorotanety hoy hatrany ny fanazavany ary antony maro no mahatonga azy io ka tokony jeren’ny fanjakana indrindra ihany koa ny hanatsarana ny fidiram-bolan’ny isan-tokantrano fa io no tena fototry ny olana rehetra izay lasa mampanaonao foana ny olona sy hanehoany ny hatezerany.
M.Elvina
