PΓ΄litika

π…πšπ¦π’π§ππ«πšπ¦-𝐩𝐒𝐭𝐚𝐧𝐭𝐚𝐧𝐚𝐧𝐚 𝐭𝐞𝐨 πšπ§π’π―π¨π§β€™π§π² πŒπ’π§π’π¬π’π­πžπ«πšπ§β€™π§π² π…π’π­πšπ­πžπ«πšπ§πš

Posted on juillet 30, 2025 at juillet 30, 2025 by feonydemokrasia
48 0
Nandray andraikitra vonjimaika ny Praiminisitra Ntsay Christian
Tsy niandry ela ny famindram-pitantanana taorian’ny fanesorana tampoka an’i Ramonjavelo ValΓ©ry, minisitry ny Fitaterana teo aloha Ny alin’ny 29 Jolay 2025 no nivoaka tamin’ny fomba Γ΄fisialy ny didim-panjakana nanala azy tamin’ny toerany.
Tsy mbola nambaran’ny manampahefana mazava hatreto ny antony nahatonga izany fanapahan-kevitra tampoka izany.
Anio Alarobia 30 Jolay ihany, dia notanterahina ny fanolorana sy fandraisana andraikitra, izay notarihin’ny Praiminisitra Ntsay Christian.
Izy ihany koa no mandray vonjimaika ny fitantanana mivantana ny minisiteran’ny Fitaterana β€” sehatra stratejika mandrindra ny fifamoivoizana an-tanety, an-dranomasina ary an’habakabaka, sady miandraikitra ny fanaraha-maso ny toetrandro sy ny vinavina ara-potoana.
Araka ny loharanom-baovao avy eo anivon’ny Primatiora, « tanjona voalohany amin’izao famindram-pitantanana izao ny fametrahana fitoniana, ny fanohizana ny asa stratejika efa natomboka, ary ny fanamafisana ny fahaiza-mitantana, indrindra ao anatin’izao vanim-potoana ahitana adidy maro goavana ho an’ny governemanta izao.Β Β»
Miandry ny fanendrena amin’ny fomba Γ΄fisialy ny minisitra vaovao hitondra tanteraka ity sampandraharaham-panjakana lehibe sy manan-danja ho an’ny firenena ity ny mpanara-baovao
Nangonin’Lay Mahitsy

feonydemokrasia

Related Post

π‚π„ππˆ: 𝐍𝐚𝐧𝐚𝐦𝐞π₯𝐨𝐀𝐚 𝐧𝐲 𝐟𝐚𝐧𝐞𝐧𝐣𝐞𝐑𝐚𝐧𝐚 π§πšπ­πšπ¨π§β€™π§π² 𝐅𝐒π₯π¨π‘πšπ§β€™π§π² π€π§π­πžπ§π’π¦π’πžπ«πšπ§-𝐝𝐨𝐑𝐨π₯𝐨𝐧𝐚

Posted by - juin 4, 2025 0
Nanambara ampahibemaso ny Birao maharitry ny Vaomieram-pirenena mahaleotena misahana ny fifidianana (CENI) fa manameloka tanteraka ny fanenjehana nataon’ny Filohan’ny Antenimieran-doholona,…