ππ€πŠπ€π“πŽππ€ 𝐍𝐘 π‰πˆπ‘π€πŒπ€ π„π“πŽ π’π€ππŽπ“π’π˜ ππ€πŒπ„π‡π€ππ€

67 0
Kaominina Sabotsy Namehana, manampy an’ireo Sampandraharaha samy hafa, izay manao asa mipaka amin’ny vahoaka.
Ankoatry ny fanomezana trano ampiasain’ny Β« Centre d’ecoute Β»FANIRIANTSOA, ivon-toerana iray hitarainan’ireo niharan’ny herisetra, hanoroana hevitra azy ireo ihany koa, miampy fanomezana trano hiasana ka hizarana ny volan’ireo Mpisotro ronono ety amin’ny Kaominina Sabotsy Namehana sy ny manodidina, dia fantatra koa ankehitriny fa hanome efi-trano iray hoan’ny Jirama ihany koa ity Kaominina ity ho ampiasaina handraisana ny saran’ny jiro sy rano hoan’ny vahoaka, satria araka ny efa notanterina teto dia nikatona tanteraka manomboka ny Alatsinainy 30 septambra 2024 lasa teo ny ratsamangaikan’ny JIRAMA eto Sabotsy Namehana.
Azon’ny Mpanjifan’ny Jirama atao koa anefa ny manatitra izany eny Analamahitsy araka ny fanazavan’ireo Tompon’andraikitra.
Hatreto aloha dia mbola tsy nisy nipika hoe Β« fa naninona no nakatona ity ratsa-mangaikan’ny Jiro sy Rano Malagasy eto Sabotsy Namehana ity, na dia maro aza ireo tsiloan-tsofina mifamahofaho mahakasika izany Β» Ireo Tompon’andraikitra izay nohatonina nangataham-panazavana koa dia ninia tsy nilaza na inona na inona, mahakasika ity fikantonana tampoka ity.
Nangonin’ Lay Mahintsy

Related Post

π…πŒπ€π€π“πŒ πŒπ€π‡π€π‰π€ππ†π€ – 𝐓𝐬𝐲 𝐑𝐨 𝐬𝐚𝐑𝐒𝐫𝐚𝐧𝐚 𝐧𝐲 πŸπ’π€πšπ¦π›πšπ§πšπ§πš 𝐚𝐦𝐒𝐧`𝐧𝐲 𝐟𝐚𝐦𝐨π₯𝐚𝐯𝐨π₯𝐚𝐧𝐚 𝐧𝐲 𝐬𝐚𝐦𝐲 𝐦𝐩𝐒𝐚𝐧𝐚𝐭𝐫𝐚 𝐑𝐚𝐧𝐚𝐭𝐫𝐚𝐭𝐫𝐚 𝐧𝐲 𝐭𝐚𝐧𝐣𝐨𝐧𝐚

Posted by - juin 22, 2024 0
π…πŒπ€π€π“πŒ πŒπ€π‡π€π‰π€ππ†π€ – 𝐓𝐬𝐲 𝐑𝐨 𝐬𝐚𝐑𝐒𝐫𝐚𝐧𝐚 𝐧𝐲 πŸπ’π€πšπ¦π›πšπ§πšπ§πš 𝐚𝐦𝐒𝐧`𝐧𝐲 𝐟𝐚𝐦𝐨π₯𝐚𝐯𝐨π₯𝐚𝐧𝐚 𝐧𝐲 𝐬𝐚𝐦𝐲 𝐦𝐩𝐒𝐚𝐧𝐚𝐭𝐫𝐚 𝐑𝐚𝐧𝐚𝐭𝐫𝐚𝐭𝐫𝐚 𝐧𝐲 𝐭𝐚𝐧𝐣𝐨𝐧𝐚 (Nisitraka fampitaovana mamaly filana…

RAHARAHA FANAPOHANA SOLIKA

Posted by - octobre 22, 2024 0
Olona 24 tompon’antoka no voasambotry ny sampana fikarohana heloka bevava eo anivon’ny zandarimariam_pirenenana taorian’ny fidinana ifotony natao tamina tokatrano 10…