𝗠𝗮𝗻𝗱𝗿𝗶𝘁𝘀𝗮𝗿𝗮 – 𝗠𝗶𝘁𝗼𝗵𝘆 𝗻𝘆 𝗳𝗮𝗻𝗮𝘁𝘀𝗮𝗿𝗮𝗻𝗮 𝗹𝗮̀𝗹𝗮𝗻𝗮 𝗳𝗶𝘃𝗲𝘇𝗶𝘃𝗲𝘇𝗲𝗻`𝗻𝘆 𝗱𝗮𝗵𝗼𝗹𝗼𝗯𝗲

✦ Tsy miraviravy tanana ny ben`ny tanana ao amin`ny kaominina ambonivohitra Mandritsara, Rasolofondradonga Gérard fa manao ezaka amin`ny fanatsarana tanana. Misy ny fanavaozana làlana fivezivezen`ny daholobe amin`ny andavan`andro eny anivon`ny fokontany.

Nisantatra izany ny ao Ankobasoa; lalam-be 500 metatra eo no nopasohana mba ahafahan`ny fiara vaventy mpitondra entana ary koa ireo tuc tuc mpitatitra olona, vita tamin`ny herinandro lasa teo izany. Mahazo tombony amin`izany ireo mponina ao Mandritsara ambony sy Ankobasoa indrindra ny vahoakan`i Mandritsara. Natao izao mba hanenana ny fivezivezena amin`ny làlam-be mihazo amin`ny rue de commerce satria matetika mampikorontana fifamoiviizana ireo kamiao ireny, eo koa ny mpianatra voaelingelina rehefa hiampita, hoy Ben`ny tanana, Rasolofondradonga Gérard.

✦Ankoatra ny ao Ankobasoa, miroso koa ny fanamboarana ny rari-vato mankany amin`ny « Gymnase couvert  » Làlana 200 metatra eo koa no voapasoka hanaovana rari-vato. Fiarahamiasa eo amin`ny kaominina sy ny governoran`ny faritra Sofia no nahatontosana izany.