Mirongatra izay tsy izy ny trangana dorotanety ato anatin`ny distrikan`i Mandritsara. Manoloana tranga io dia tsy arenesam-peo ny tompon`andraikitra hoy ny solotena fiarahamonina raha niresaka tamin’ny mpanao gazety eto an-toerana.
Tsy misy ny fanentanana mialoha isorohana ny fanapotehana ny tontolo iaianana na eo anivony fiaraha-monina izany na eo amin’ny haino amanjery hoy izy ireo hatrany .Satria isany mampikaikaika ny fiarahamonina ny trangana dorotanety manodidina Mandritsara renivohitra izay mipaka amin’ny bé sy ny maro tsy resaka n’y fahatarany oranandro.
Tsy re feo manao fanentanana momba ireo fepetra raisina amin`izay fandorona tanety na mamotika ala ny tompon`andraikitra hoy hatrany ny fiarahamonina raha naneho hevitra manoloana ny dorotanety miseho etsy sy eroa manodidina tampon-tananan`i Mandritsara araka teniny izy ireo androany zoma 20 décembre 2024.
Etsy andaniny nilaza ny lehibeny ala eto Mandritsara tamin’ny alarobia faha 18 décembre 2024 lasa teo amin’ny birao fiasany fa efa maro ezaka nataon’izy ireo tamin’ny fanentanana mikasika doro tanety izay ary hentitra izy ireo raha toa ka mahatratra ny olona amin’izany sy tsy misy fanelanelanana araka ny teniny tamin’ny mpanao gazety.
Nangonin`i Claudio
