Naharitra ora 4 be izao ny fakana am-bavany an’i Gasikara Fenosoa, Mpanao Gazety ao ami’ny Real Tv, tetsy amin’ny Borigadin’ny Zandarmariam-pirenena tetsy fiadanana androany.
Tonga nankahery sy nanotrona azy ireo Mpanao Gazety marobe, nahitana ny Gazety ambava, an-tsoratra, ary ny Mpanao Gazety an’habaka. Nisolon-tenany Gazety an’habaka www.feonydemokrasia.mg teny i ‘Lay Mahintsy.
Tazana teny ihany koa Ramatoa Filohan’ny Olafitry ny Mpanao Gazety eto Madagasikara, Ramatoa RASOLOARISOA Monica, izay niara-niditra tao amin’ny efitrano nakana ambavany an’i Gasikara Fenosoa, niaraka tamin’ny Mpisolo vava azy.
Tamin’ny 1 ora tolakandro no vita ny fanadihadiana tamin’ny mpanao gazety Gascar Fenosoa, ary dia ny nisaotra ireo namana no nataony voalohany.
Raha hiverenana dia Ny fandaharana l’Invité du Jour niarahana tamin’i Christian Tabera ny Alatsinainy 4 Desambra teo no nanaovana fanadihadiana azy hoy ny mpisolo vava Eric Rafidison
Nangonin’i ‘Lay Mahintsy
