Nizara kilalao ho an’ireo ankizy kely sy entana ilaina andavanandro na PPN ho an’ireo tokantrano tena marefo ao Antsirabe I, ny Antoko FREEDOM notarihin’ny Filoha Nasionaliny, Ramatoa Lalatiana RAKOTONDRAZAFY.
Tahaka ny fanaony rehefa ankatoky ny vanim-potoanan’ny Noely tahaka izao dia taty Antsirabe indray no nosafidian’ny Antoko nanaovana asa soa fifampizarana tamin’ireo mpiray tanindrazana sahirana.
« Manao valim-babena hatrany satria mahatsiaro manana adidy amin’ny maha-vato nasondrotry ny tany » hoy Ramatoa Filoha Nasionalin’ny Antoko, izay tsy manadino mihitsy ny faritra Vakinankaratra, indrindra Antsirabe izay niaviany.
(FREEDOM Sampana Vakinankaratra, Tranompokonolona Antampontanana Antsirabe, Talata 19 desambra 2023).
