Anio no fotoana nosafidinan’ny Fikambanana ASN na ny AVOTRA SABOTSY NAMEHANA hifampiarabaina nahatratra ny taona 2025, ka teo amin’ny Akany Nomenjanahary tetsy amin’ny Kaominina AMbohimanga Rova no nanaterahina izany, androany faha 22 Marsa 2025.
Vory marobe tokoa ny Mpikambana tonga nanafana ity lanonana fifampiarabaina ity, ary lalao sy fialam-boly maro lafy izay narahina fiaraha-misakafo no nentina nanamarihana izany.
Tonga nitarika ity lanonana ity ny Filoha Mpanorina sady Solombavambahoaka Avotraina Andriamosa voafidy taty amin’ny Distrika Avaradrano, Andriamatoa Avotraina Andriamosa, notronin’ireo Mpikambana ao anatin’ny ASN.
Natao hamodronana s hifankahalala bebe kokoa ary indrindra fa hanomanana indray ny fihatrehan’ny Fikambanana ny Dimy taona ho avy, hiatrehana ny fifidianana.
Raha tsiahivina, dia ity ASN ity no nitondra ny Kaominina Sabotsy Namehana nandritra ny 17 taona nifandimby, izay nametraka ny Kaominina amin’izao toerany izao.
Fantatra fa efa mahatratra 5 000 any ho any ny Mpikambana hatramin’ny nananganana azy ka hatramin’izao.
Ny teny fanevan’ny Fikambana dia ny hoe, tsy avotro izaho samy irery fa ho avotro izaho sy ianao.
‘Lay Mahitsy
