Mba tsy ho tara amin’ny fanatontoloana, ka hampahomby ny fifandraisaina, indreindra manoloana ny tsy fandriam-pahalemana izay zary tandra vadik’hoditra amin’ny fiainana ankehitriny; nohon’ny hafitsoky ny Malaso sy ireo tontakely andaniny.
Fa ho fanampiana an’ireo kitro ifaharan’ny fampandrasoana, miasa sy miara-miaina amintsika eny anivon’ny fiaraha-monina eny, dia filoham-pokontany sy ny lefiny miisa 830 ao amin’ny faritra SAVA no notoloran’Andriamatoa Teddy Gervais Seramila izay Governora Faritra SAVA, finday tsirairay avy.
Hoy indrindra izy raha nandray fitenenana fohy,mahakasika ny fizarana ireto fitaovana ireto :
Ho fanatsarana ny asa hatrany no tanjona… ary ihany koa ho fanomezana sy ho fanamorana ny fandraisan’izy ireo ny tambin-karamany, ary natao indrindra izao entina hamporisihana azy ireo hanao ny asany ho tsaratsara kokoa !…
Fantatra fa Alarobia 27 Desambra 2023 ho avy izao no hanomboka ny fizarana.
Nangonin’Lay Mahintsy
