𝐌𝐀𝐎𝐑𝐈𝐒𝐘 : 𝐍𝐚𝐭𝐬𝐚𝐧𝐠𝐚𝐧𝐚 𝐧𝐲 𝐫𝐚𝐟𝐢𝐭𝐫𝐚 𝐦𝐚𝐡𝐚𝐫𝐢𝐭𝐫𝐲 𝐧𝐲 𝐃𝐢𝐚𝐬𝐩𝐨𝐫𝐚 𝐌𝐚𝐥𝐚𝐠𝐚𝐬𝐲 𝐬𝐲 𝐧𝐲 𝐂𝐡𝐚𝐦𝐛𝐫𝐞 𝐝𝐞 𝐂𝐨𝐦𝐦𝐞𝐫𝐜𝐞

Tontosa ny 07 Desambra 2025 tao Beau-Bassin ny fihaonana ofisialy voalohany nataon’ny 𝐃𝐢𝐚𝐬𝐩𝐨𝐫𝐚 𝐌𝐚𝐥𝐚𝐠𝐚𝐬𝐲 𝐞𝐭𝐨 𝐌𝐚𝐨𝐫𝐢𝐬𝐲, ka nanamarika dingana vaovao amin’ny fananganana rafitra ara-dalàna sy maharitra ho an’ny Malagasy monina any an-toerana.

Nandritra izany no nandraisan’i Michael Randrianirina, Filohan’ny Refondation, anjara tamin’ny alalan’ny antso an-tariby, ka nihaino ny olana lehibe sedrain’ny diaspora, anisan’izany ny olan’ny taratasy ara-panjakana sy ny fangatahana pasipaoro 10 taona.

Voafidy ho Filohan’ny Diaspora Malagasy eto Maorisy i 𝐑𝐨𝐣𝐨 𝐂𝐥𝐚𝐮𝐝𝐢𝐧𝐨 𝐀𝐧𝐝𝐫𝐢𝐚𝐧𝐚𝐬𝐨𝐥𝐨, sady nambaran’ny mpikambana ny fananganana tsy ho ela ny Chambre de Commerce Madagascar–Maorisy, ho fanamafisana ny fiaraha-miasa ara-toekarena eo amin’ny firenena roa tonta.

Dingana lehibe ho an’ny firaisan’ny Malagasy eto Maorisy ity hetsika ity.