Tsy mijanona amin’ny ady amin’ny asan-dahalo,izay efa fantatsika fa mbola voafehy ankehitriny raha ny ao amin’ny Distrikan’ny Miandrivazo ,ny andraikin’ny zandarimaria.Fa manampy koa ny mpiara-belona amin’ny fisorohana ny loza voajanahary mety hitranga ka androany 20 febroary 2024 nanomboka tamin’ny 06 ora maraina ka hatratramin’ny 11 ora atoandro dia tsy nitsahatra nanao fanentanana manerana ny tanàna ny zandary izay tarihin’ny komandà komandin’ny vondrotobim-paritra Miandrivazo mahakasika:
– ny fisorohana ny fitondraky ny reniranon’i Mahajilo ho an’ireo toerana iva(Tanandava,Antaninarenina,Ambaniandrefana,Antanifady fokotany Miandrivazo I)
-ny fanaovana asa tagnamaron’ny fefilohan’ny renirano Mahajilo izay tondraka be tatoato noho ny rotsak’orana tsy nijanona nandritra ny andro maromaro,
-ny fitandroana ny fahadiovan’ny tanàna mba hisorohana ireo valan’aretina maro mety hitranga.
Isaorana daholo ny tsirairay izay nitondra ny anjara borikiny,fa indrindra ireo fokonolona ao amin’ny fokontany Miandrivazo I.
Nangonin’ny RA PA – MENABE
