Nilamina ny Alatsinain’ny Paska taty Ambatondrazaka tamin’ny amkapobeany, niala voly ny olona, ary nanao ny asany ireo mpitandron’ny filaminana ahatratrarana ny Paska hieren-doza.
Toy ny isan-taona dia rakotra olona ny tao amin’ny Horimbato, Andilapotsy, Ambatondrazaka, izay toerana efa mahazatra ny rehetra rehefa Alatsinainy Paska. Ny tarika Jean AimΓ© sy Samoela no nanafana ny lanonana tao, ankoatran’izay moa dia nisy ireo fialam-boly samy hafa izay nahasarika fianakaviana maro.Tsy latsa-danja amin’izany koa anefa fa mahasarika fianakaviana, fikambanana samy hafa, Fiangonana sns…ihany koa ny « Γcole agricole Maganoro, ao amin’ny Fokontany Ankazotsaravolo, Kaominina Ilafy, izay toerana malalaka, madio sy milamina ka azo ilalaovana sy hialana voly tsara.Nangonin’i Lova JanΓ .
