๐๐๐๐๐๐๐๐๐ ๐๐๐๐๐๐๐๐๐๐๐๐๐ ๐๐๐
๐๐๐ , ๐๐๐๐๐๐๐๐๐’๐๐ ๐๐๐๐๐๐๐๐๐
๐ก๐๐๐ฉ๐๐๐ ๐ก๐ฌ ๐๐๐ก๐๐๐๐๐ญ๐๐ก๐ ๐ก๐ฌ ๐๐๐ง๐๐ -๐ฃ๐๐ฅ๐๐ก๐๐ก๐ ๐ง๐๐ ๐๐ก’๐๐ง๐ฌ ๐ง๐๐ข๐ก๐ ๐ฎ๐ฌ๐ฎ๐ฑ ๐๐ง๐ฌ Nanomboka ny faha 19 Jiona ny hetsika fankalazana ny faha 65 taona niverenan’ny fahaleovan-tena tato amin’ny kaominina ambanivohitra Befasy ka vavaka firaisam-pinoana nangataham-pitahina no nanombohana izany ary nitohy tamin’ny Lalao ara-mpanatanjahan-tena sy ireo fifaninana maro isan-karazany izay tsy nijanona raha tsy omaly 25 Jiona izay tamin’ny alalan’ny fanaovana arendrina sy afomanga ary alim-padihizana ( Bal populaire) . Omaly kosa izay ivon’ny fankalazana moa dia famonoana omby izay nozaraina isam-pokotany natao ho nofo-kena mitampihavanana no nanombohana ny hetsika ary nisy ny filaharan’ireo mpianatra sy fikambanana avy amin’ny fokotany 17 mandrafitra ny kaominina izay notarihan’ny Ramatoa ben’ny Tanana sy ny lehiben’ny boriboriany ary ny Kaomandin’ny tobim-paritry ny zandarmaria Befasy niaraka tamin’ireo ray aman-dreny ara-drazana sy ray aman-dreny am-panahy ka natomboka tamin’ny fanaganan-tsaina ny fotoana ary nitohy tamin’ny filaharan’ireo nandraisan’ireo hery velona rehetra ary narahin’ny kabary nifandim-biasana ka tamin’izany no nanaovany Ramatoa ben’ny Tanana Tsirengeha Vinah Soafiavy velirano tamin’ireo vahoaka fa hanao izay tratran’ny ainy izy amin’ny fampandrosoana ny kaominina satria hamaly babena ny tanin-drazana no nilatsahany ho ben’ny tanana, nitohy tamin’ny fizarana marim-pankasitrahana ho an’ireo mpianatra mendrika tamin’ny fanadinana CEPE sy ireo telo voalohany isaky ny kilasy moa ny fotoana izay narahin’ny fanolorana ny amboara tamin’ireo fifaninana rehetra natao , izany rehetra izany dia noravahan’ny hetsika ara-kolontsaina ary nofarana tamin’ny tsaingoka sy goka ny tapany maraina.Ny folak’andro kosa dia ny moraingy sy fampisehoana izay niarahana tamin’ny Tarika Colomba du Menabe izay mpanan-kanto manana ny maha izy azy raha fanafana lanonana narahin’ny fanampoahana afomanga sy alim-padihizana tsy rava raha tsy androany 27 Jiona maraina, izany rehetra izany moa dia tao anatin’ny filaminana sy fifankatiavana tanteraka nohon’ny fiaraha mientan’ny ben’ny tanana sy ireo tanora aron’ny vahoaka.Samy niaiky ny rehetra fa niavaka ny fankalazana ny Fetim-pirenena tamin’ity taona ity tato amin’ny kaominina ambanivohitra Befasy, hatr’izay naha kaominina an’ny Befasy hoy ny ray aman-dreny dia mbola tsy nisy toy izao fa ny hamaroan’ny mpilahatra aza satria dia tsy nisy afa-tsy sekoly telo izany hatramin’izay fa tamin’ny dia sekoly efa maherin’ny folo ary nandray anjara avokoa ireo fokotany rehetra na dia kalesa aza ny fitaovam-pitanterana nandanan’izy ireo izay ny fokonolona ihany no niantoka izany nohon’ny fanehoana ny fitiavan-tanindrazana rehefa nentaninan’ireo komity mpikarakara izay notarihin’ny ben’ny tanana ary isany nahafaly ny mpampianatra koa ny fanomezana loka ho an’ireo telo voalohany isaky ny kilasy satria hampiroborobo ny fampianarana sy hampiakatra ny farim-pahaizany mpianatra ato Befasy.Ka Velom-pisaorana ny ben’ny tanana avokoa ny rehetra izay resy lahatra tamin’ny vinan’ny kaominina hoe filaminana miteraka fampandrosoana.
RA PA
