𝐓𝐨𝐚𝐦𝐚𝐬𝐢𝐧𝐚 : 𝐧𝐢𝐡𝐚𝐨𝐧𝐚 𝐭𝐚𝐦𝐢𝐧’𝐢𝐫𝐞𝐨 𝐦𝐩𝐚𝐧𝐚𝐨 𝐠𝐚𝐳𝐞𝐭𝐲 𝐧𝐲 𝐋𝐞𝐡𝐢𝐛𝐞𝐧’𝐧𝐲 𝐅𝐚𝐫𝐢𝐭𝐫𝐚 𝐀𝐭𝐬𝐢𝐧𝐚𝐧𝐚𝐧𝐚

Nandritra ity fihaonana ity no nanamafisan’ny Lehiben’ny Faritra ny maha zava-dehibe ny fiaraha-miasa amin’ny mpanao gazety, indrindra amin’ny fampitana vaovao marina sy ny fanohanana ireo vinan’asa entina hampandrosoana ny Faritra Atsinanana.

Nisy ihany koa ny fifanakalozan-kevitra sy famelabelarana momba ireo laharam-pahamehana kasaina hotanterahina ao

amin’ny Faritra, ka nasongadina tamin’izany ny anjara toeran’ny asa fanaovan-gazety amin’ny fanentanana sy fampahafantarana ny vahoaka.

Etsy ankilany, naneho ny fahavononany hiara-kiasa amin’ny tomponandraikitra ara-panjakana ireo mpanao gazety nandray anjara tamin’ny fihaonana, amin’ny tanjona hampandrosoana ny fiarahamonina sy hiantohana ny fahazoan’ny olom-pirenena vaovao azo antoka sy manakaiky ny zava-misy.

Notsindrian’ny rehetra nandritra ny fihaonana fa isan’ireo andry lehibe iankinan’ny fampandrosoana ny asa fanaovan-gazety, indrindra amin’ny fanamafisana ny mangarahara sy ny fifampitokisana eo amin’ny vahoaka sy ny mpitondra.

Nitondra ny hafatra hoe : “Fanavaozana ho any amin’ny fampandrosoana” ity fihaonana ity.