FIKAROHAM-BAHAOLANA AMIN’NY KRIZY : RAIKITRA NY FIHAONANA ENY TSIMBAZAZA
Tamin’ny 11 ora maraina teo no nanomboka ny fihaonana . Kandida 9 amin’ny 13 no tonga, misy ny nandefa solotena. Ny Filohan’ny antenimieram-pirenena sy ny FFKM no mandray azy ireo. Misy olona efa nitana andraikitra ambony teto amin’ny firenena ihany koa manatrika ny fihaonana. Isan’izany ny jeneraly Ramakavelo, Prof Ranjeva Raymond, Rtoa Atallah Béatrice , ny jeneraly Charles Rabemananjara, praiminisitra teo aloha sady efa mpikambana tao amin’ny filan-kevitry ny fampihavanam-pirenena, tazana eny an-toerana ihany koa Rtoa Noro Harimisa Razafindrakoto, minisitry ny fitsarana teo aloha, ny Prof Tehindrazanarivelo, minisitry ny fahasalamam-bahoaka teo aloha, ny jeneraly Amedé Ramihone sy ny maro hafa.
