𝐅𝐈𝐊𝐀𝐌𝐁𝐀𝐍𝐀𝐍𝐀 𝐀𝐕𝐎𝐓𝐑𝐀 𝐒𝐀𝐁𝐎𝐓𝐒𝐘 𝐍𝐀𝐌𝐄𝐇𝐀𝐍𝐀 | 𝐀𝐃𝐘 𝐁𝐀𝐎𝐋𝐈𝐍𝐀 𝐊𝐈𝐓𝐑𝐀 | 𝐍𝐈𝐕𝐎𝐀𝐊𝐀 𝐌𝐏𝐀𝐍𝐃𝐑𝐄𝐒𝐘 𝐍𝐘 𝐅𝐂 𝐓𝐀𝐌𝐁𝐀𝐓𝐑𝐀 – 𝐀𝐋𝐀𝐌𝐀𝐇𝐈𝐓𝐒𝐘 𝐍𝐀𝐍𝐎𝐋𝐎𝐀𝐍𝐀 𝐍𝐘 𝐅𝐂 𝐓𝐎𝐍𝐆𝐎𝐋𝐎 – 𝐀𝐌𝐁𝐎𝐋𝐎

Nilaza Andriamatoa Jerome RAKOTOMALALA, fa ity lalao fifaninana ity dia efa naharitra 8 volana tany ho any izay no nanombohany ary Club Football miisa 800 teo ho eo no nandray anjara tamin’izany, ka ny FC Tambatra Anamalahitsy sy ny FC Tongolo Ambolo no tonga aty am-pamaranana.

Araka ny nambarany ihany, dia ny Fikambanana AVOTRA SABOTSY NAMEHANA no miantoka feno ny fanomezana ny Amboara rehetra, ka omby mifahy no hoan’ny Mpandresy, miampy medaly, fanamiana feno enti-miatrika lalao baolina kitra kosa hoan’ireo sisa ambiny. Nambarany ihany koa fa hisokatra tsy hoela ihany koa ny Fifaninana Baolina kitram-pokontany, ary handraisan’ireo Fokontany 17 manerana ny Kaominina Sabotsy Namehana. Natao indrindra izany ho fialambolin’ny tanora andaniny fa entina hitiliana ireo sangany amin’ity lalao ity kosa ankilany, izay hofantenina ho Mpilalao Baolina kitra eto amin’ny Kaominina.

Andriamatoa Jerôme RAKOTOMALALA, dia anisan’ireo hifaninana ho Ben’ny Tanana hitantana ny Kaominina Sabotsy Namehana, ary fantatra fa laharana faha6 no misy azy ao anaty Bileta Tokana.

Fa tamin’ity fotoana ity no namalain’Andriamatoa Solombavambahoakan’ny Madagasikara, izay voafidy teto Avaradrano, ny Deputé AVOTRA ny fanontaniana manitikitika ny rehetra, indrindra hakatok’izao fifidianana izao, dia ny hoe « Iza no Kandida hametrahany ny fitokisany, ka hamindrany ny fahaiza, manao hananany nandrit’izay amam-polon-taona nitantanany ny Kaominina izany »,

Nambarany nandritra ny fandraisam-pitenana nataony nandritra ny fanokafana ny lalao àry fa ny ASN izay tarihin’Andriamatoa Jerôme RAKOTOMALALA no niantefan’ny safidiny. I Jerôme hoy izy nanohy ny teniny no efa manana traikefa feno amin’ny fitantanana, ary manana ny fahalalana amin’ny fampandrosoana, koa tsy diso safidy velively aho manolotra azy ho Ben’ny Tanàna. Ary vonona aho hanampy, hanohana ary hifanome tanana aminy, indrindra ho fampandrosoana ity Sabotsy Namehana mamintsika ity.

Fa raha iverenana kely ny voka-dalalao , dia nivoaka mpandresy tamin’ny isa mavesatra ny FC Tambatra raha nanoloana ny FC Tongolo, isa 3 be izao no hoan’ny FC Tambatra, ary isa 1 kosa hoan’ny FC Tongolo.

Adin’ombalahin’ny mpianakavy iny, ny resy tsy hakoraina, ny mahery tsy hobiana