Manoloana ireo zava-misy sy fitarainana maro mikasika ireo mpitondra posy dia handray andraikitra sy hampiatra fepetra ny eo anivon’ny zandarmeria ato Morondava fa aloahan’izay dia beazina ireo mpitondra posy ary omena torimarika ny tompon’ny posy ka nototosaina omaly alahady tao amin’ny tokotany malalaky ny zandarmiaria Morondava izany izay notarihin’ny kaomandin’ny vondron-tobipileovana Menabe colonel Onimihary Ralaiavy Fanevason niarahany tamin’ny kaomadin’ny brigade ny zandarmeria Morondava sy ny eo anivon’ny fitsirihana fiarakodia niaraka ny avy eo amin’ny kaominina ka nampianarina ireo mpitondra posy ny resaka fahadiovana sy ny fahalalam-pomba rehefa mitondra posy ary eo koa ny fampafantarana azy ireo ny lalana mifehy ny fifamoivoizana eto amintsika ary fampafantarana azy ireo ny takelaby fampafantarana eny an-dalana ary ny fikojakojana ny posy .
Izany no natao dia mba hisoroahana ny loza mety hitranga ao aorian’izao moa dia hiroso amin’ny fampihofanana azy ireo ho an »izay mbola tsy navita ny eo amin’ny zandarmiaria sy ny kaominina ka tsy maintsy manao bagde avokoa ny mpitondra posy rehetra ka rehefa vita ny fampihofanana dia hiroso amin’ny fanarahamaso sy fizavana ary fandraisana andraikitra ho an’ireo posy sy mpitondra posy tsy manara-dalana ny eo anivon’ny zandarmiaria
Nangonin’i RA PA
