Hanantanteraka fihaonamben’ny mpiasa malagasy ny K.I.M.M na Komity Iombonan’ny Mpiasa Malagasy ny Sabotsy 07 septambra ho avy izao eny Antsahamanitra manomboka amin’ny 09 ora maraina.
Tsapa sy hita mantsy fa marary ny tontolon’ny asa eto Madagasikara ary mahantra ny mpiasa hoy izy ireo androany ka fotoana izao hametrahana ny mpiasa malagasy amin’ny toerana mendrika sy sahaza azy.
Hetsika natokana ho an’ny mpiasa malagasy iray manontolo mba hanambarany ny maharary azy any amin’ny toerana iasany sy hanolorany soson_kevitra sy vahaolana mifanandrify amin’izany.
Hisy ny fehin_kevitra haravona ka hatsangana ny delegasiona izay ahitana solontenan’ireo mpivondrona rehetra ka io delegasiona io no mitondra ny fehin_kevitra any amin’ny Praiminisitra lehiben’ny governemanta sy any amin’ireo mpiara_miombon’antoka.
Ahitana ireo sendikan’ny mpiasa miankina sy tsy miankina amin’ny fanjakana,ny mpiasa mahaleotena,ny tantsaha, ny tsy an’asa,mpanjifa,ny mpiasam_panjakana misotro ronono ary ireo mpisotro ronono ao amin’ny CNAPS no mivondrona ao anatin’ny K.I.M.M.
M.Elvina
