13 May 1972, 01 ora maraina Feno FRS sy Gendarmes ny manodidina ny Université. Inona no atao ? Tohizo ihany ny fivoriana hoy ny sasany ! (ao amin’ny Amphi).
Rehefa kelikely niditra nanao amboletra tao amin’ny efitra fivoriana ny mpitandro ny filaminana. – Natao ny fisavàna tsirairay ireo mpivory ary naiditra tao anaty fiara 30 isa an’ny polisy, Gendarmes, Miaramila…niainga ny « Cortège destination inconnue ». Nandalo teny Fenoarivo vao nifanontany hoe « Arivonimamo izany ny Direction ?!!! ».
Tokony amin’ny 06 ora maraina no tonga teny Aérogare Arivonimamo. Ny Steward sy ny Pilote no nilaza fa any Antsohihy na Analalava aloha no aleha….niainga ny fiaramanidina voalohany ; betsaka ny fihetseham-po na ny an’ireo lasa na ny an’ireo tafajanona. Betsaka ny Latsa –dranomaso.
Mpianatra 400 teo ho eo no nosamborina ( tany ampivoriana, tany antranony, teny amin’ny Arabe ny Fahaleovantena).
Ny sasany hafa indray kosa ny Asabotsy nifoha Alahady, ka isany izany ireto : Mompera Rémi Ralibera, Rafenoarison Odon, Rasolonjatovo Willy ( Olàlà), Dr isany Rasamoely Lala, Raysarazaka Janvier, Rakotomalala Manan’Ignace ; Razafindrakoto Dieudonné, Rabetaliana Charles,, Emmanuel Razafindrabe, Raboanarison, Randrianatoro Charles, Ramalanjaona, Rasamizanany Georges (Gazety Andry Pilier), Ratsimbazafy Chermont (Socobis)…mbola hita teny amin’ny sasany ny Pyjama fitondra matory !
Filazàna tao @radio vao maraina : « Voasambotra ireo lohandohan’ny mpitokona. Atolotra ny Fitsaràna izy ireo mba hamaly nybheloka vitany (…) Amin’ny Alatsinainy 15 May izao dia hiditra hianatra ny mpianatra ». Ministra ny Atitany Johasy Barthélémy no nanao ny fanambaràna.
@ 9 Ora maraina – feno olona ny Aaben’ny Fahaleovantena, niriotra ny vahoaka hoatra ny hijery Podium. Tena nahasosotra ny olona ny nisamborana ireo mpianatra. Tena tia zanaka ny Malagasy ka ny fony mihitsy no voadona rehefa io zanany io no voakasikasika, indrindra zanaka mitaky ny rariny sy ny hitsiny nefa samborina andro alina.
T@10 ora maraina :
Ny Zandary moa dia nitandro ny filaminana teo koa. Ny FRS nandefa baomba mandatsa-dranomaso, mipololotra ny setroka (…) tsy nisy voka ny io fa nanampin’orona amin’ny vorodamba natsipin’ny olona avy eny amin’ny varavaran-kelin’ny Avenue rehetra teny. Fa nanapoaka grenady sy Basy marovava ny FRS nony farany.
Loza izany ! Loza tsy roa aman-tany ! Izay tamin’ny andron’i Hitler no asa !
Nitsininika ny rà, nitsitra ny faty. Nanjaka ny habibiana. Nisento ny olo-marina. Nalahelo ny olon’ory. Latsa-dranomaso sy mitomany mihitsy aza ny renim-pianakaviana.
(…) Fa ny Zandary kosa tamin’izany fotoana izany dia NIARO NY VAHOAKA. Matiny daholo ny FRS raha nitifitra ireo, hoy ny olona sasany teo, saingy HENDRY NY ZANDARY SATRIA FANTANY FA MALAGASY HOATRA AZY IREO.
Maro ny maty, mila tsy haharaka intsony ireo fiarakodia nankeny amin’ny Hopitaly. Hipoka i Befelatanana : tao ny tapa-tanana, tapa-tongotra, ny maratra eny amin’ny loha sy na maso ary ny tarehy. Fa nisy koa ny FRS najedaky ny olona tao anaty vahoaka tao….
Mey 1972, Rahajarizafy Rémi, PP84-87 – Librairie Mixte
Nangonin’i Yvon Namelankafatra Rakoto
