𝗠𝗮𝗿𝗰𝗼 𝗥𝗮𝗯𝗲𝗻𝗲𝗳𝗶𝘁𝗿𝗮 : 𝐅𝐞𝐨𝐧’𝐧𝐲 𝐓𝐚𝐧𝐨𝐫𝐚 𝐓𝐢𝐚 𝐓𝐚𝐧𝐢𝐧𝐝𝐫𝐚𝐳𝐚𝐧𝐚 𝐡𝐨 𝐚𝐦𝐢𝐧’𝐧𝐲 𝐅𝐚𝐧𝐚𝐫𝐞𝐧𝐚𝐧𝐚 𝐚𝐧’𝐢 𝐌𝐚𝐝𝐚𝐠𝐚𝐬𝐢𝐤𝐚𝐫𝐚

✅Mpandraharaha, mpandinika stratejika ary mpiaro ny diplaomasia ara-toekarena mahaleotena, Marco Rabenefitra dia anisan’ireo tanora malagasy manana fijery lavitra sy finiavana hanova ny firenena.
Manana ny mari-pahaizana MBA manokana amin’ny Lalàna ara-barotra sy ny Varotra iraisampirenena, izy dia isan’ireo mpandraharaha tanora indrindra teto Madagasikara, indrindra teo amin’ny sehatry ny fanondranana vokatra.
Tamin’ny taona 2019, tamin’ny fotoana mbola tsy nisy sahy niteny, Marco Rabenefitra no
isan’ny voalohany nitsangana sy nitoroka ampahibemaso ny kolikoly tao amin’ny Minisiteran’ny varotra, indrindra teo amin’ny fanomezana « agréments» amin’ny fanondranana lavanila sy
jirofo.
Io fijoroana tsy natahotra io anefa dia nampitondra faisana azy sy ny orinasany nandritra ny 6 taona mahery: tsy nomena  «agréments » mihitsy ny orinasany, notsaraina sy nojerena araketra imbetsaka tamin’ny vola tsy nisy fanazavana mazava, ary nahazo fandrahonana mivantana mihitsy ny ainy.
Noho izany, dia nisafidy ny hiala vonjimaika an’i Madagasikara izy mba hanohy fianarana sy
hanorina fiainana vaovao any Dubaï. Tao, dia nanao ezaka vaovao izy tamin’ny sehatry ny
varotra sy ny fifanakalozana iraisam-pirenena, ary amin’izao fotoana izao dia mitarika tetikasa lehibe momba ny famatsiana rano fisotro madio ho an’ny tany afrikana — tetikasa mikendry ny hanatsara ny fiainan’ny mponina any amin’ny faritra ambanivohitra.
Na dia tafapetraka any ivelany aza, tsy adinony mihitsy i Madagasikara. Fitiavan-tanindrazana
lalina no nanosika azy hanoratra ilay boky mitondra ny lohateny hoe “Visions et Changements: Un Manifeste pour Madagascar”, izay manolotra vahaolana ho amin’ny fanarenana ny firenena amin’ny sehatra telo lehibe: rariny, mangarahara ary diplaomasia ho an’ny fampandrosoana.
Efa tany am-piandohana, Marco Rabenefitra dia isan’ny olona nanohana sy nandray anjara
mavitrika tamin’ny tolona nataon’ny “Gen Z”, hetsika mitaky ny fiovana hoan’ny taranaka sy ny fitakiana rafitra vaovao ho an’i Madagasikara. Aminy, io hetsika io dia famantarana ny fahatsiarovan-tena nasionaly, izay tena ilaina amin’ny fanovana marina sy maharitra.
“Tsy mitady valifaty aho, fa mitady fanarenana. Mila diplaomasia mahaleotena, mahay ary
marim-pototra i Madagasikara — diplaomasia izay miaro ny tombontsoan’ny vahoaka, fa tsy ny an’ireo vondron’olona manokana,” hoy i Marco Rabenefitra.
Amin’izao fotoana izao, Marco Rabenefitra, manampahaizana manokana amin’ny diplaomasia sy ny fifampiraharahana iraisam-pirenena, dia vonona hiara-miasa amin’ny fitondrana vaovao raha ilaina, mba handray anjara amin’ny fanavaozana sy fanorenana indray an’i Madagasikara.
Ny fijoroany, feno herim-po sy fahendrena, dia manaporofo fa izy dia feon’ny fiovana sy
fahazavana ho an’ny firenena.
✍️RA PA