𝗠𝗢𝗥𝗢𝗡𝗗𝗔𝗩𝗔
𝗧𝗼𝗻𝗴𝗮 𝗲𝘁𝗼 𝗠𝗼𝗿𝗼𝗻𝗱𝗮𝘃𝗮 𝗻𝘆 𝗚𝗼𝘂𝘃𝗲𝗿𝗻𝗲𝘂𝗿-𝗻’𝗻𝘆 𝗟𝗶𝗼𝗻𝘀 𝗖𝗹𝘂𝗯 𝗗𝗶𝘀𝘁𝗿𝗶𝗰𝘁 𝟰𝟭𝟳, 𝗳𝗶𝘁𝘀𝗶𝗱𝗶𝗵𝗮𝗻𝗮 𝗳𝗮𝗵𝗮-𝟴𝟴 𝗵𝗮𝘁𝗿𝗮𝗺𝗶𝗻’𝗻𝘆 𝗻𝗮𝗵𝗮-𝘃𝗼𝗮𝗳𝗶𝗱𝘆 𝗮𝘇𝘆

Morondava, 15 Febroary 2026
Tonga eto Morondava tamin’ny 12 ora atoandro teo ny Governoran’ny 𝐋𝐢𝐨𝐧𝐬 𝐂𝐥𝐮𝐛𝐬 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐃𝐢𝐬𝐭𝐫𝐢𝐜𝐭 𝟒𝟏𝟕, 𝐋𝐢𝐨𝐧 𝐂𝐡𝐫𝐢𝐬𝐭𝐨𝐩𝐡𝐞 𝐂𝐚𝐫𝐫𝐢𝐞𝐫, ao anatin’ny fitsidihana ofisialy ataony amin’ireo klioba isam-paritra.

Nitsena azy teny amin’ny seranam-piaramanidina André Resampa ny mpikambana ao amin’ny Lions Club Morondava, ho mariky ny fandraisana am-pitiavana sy fanamafisana ny firaisankina eo anivon’ny fikambanana.

Marihina fa izao no fitsidihana faha-88 tanterahin’ity Governora ity hatramin’ny naha-voafidy azy hitarika ny District 417, izay ahitana an’i Madagasikara sy ireo nosy manodidina ao anatin’ny faritra iadidiany. Maneho ny fahavononany hanakaiky sy hanohana ireo klioba eny ifotony izany, indrindra amin’ny fanatanterahana ny asa sosialy sy fampandrosoana ho an’ny fiarahamonina.

Antenaina fa hitondra vokatra tsara ho an’ny Lions Club eto an-toerana sy ny vahoaka amin’ny ankapobeny ity fitsidihana ity, amin’ny alalan’ny fifampidinihana sy ny fanamafisana ny tetikasa ho tanterahina , maromaro moa ireo fandaharam-potoany amin’izao fitsidihana izao.
✍️RA PA