Zaza vavy 3 taona no voadonan`ny tuc tuc na Bajaj teo akaikin`ny travaux, tsy lavitra bazary Ambalanantsotry Mandritsara omaly alakamisy 23 janoary tolakandro. Nandositra niaraka tamin`ny bajaj-ny ilay mpamily rehefa io no nitranga ka raikitra ny fanenjehan`ny vahoaka azy eran`ny lalam-be. Tsy misy ahiana ny ain`ilay zaza kely, efa nahazo fitsaboana.
Mamo ilay mpamily sady tsy manana « permis de conduire  » raha ny fanamarihana avy aimn`ny pitandro filaminana. Niditra an-tsehatra ny Polisy nandamina ny raharaha ka nitady io mpamily io. Tratra ity farany ary notazomina mba hatao fanadihadiana. Romotra ny vahoaka saika handoro bajaj sy hamono ilay mpamily. Izany no nisiany tifi-danitra mba nanaparitahana ny vahoaka hialana amin`ny savorovoro mety mety mitranga.
Nangonin`i Claudio
