𝐙𝐚𝐳𝐚 𝟑 𝐯𝐨𝐥𝐚𝐧𝐚 𝐯𝐨𝐚𝐭𝐬𝐚𝐭𝐨𝐤𝐚 𝐡𝐞𝐭𝐲: 𝐕𝐨𝐚𝐬𝐚𝐦𝐛𝐨𝐭𝐫𝐚 𝐢𝐫𝐞𝐨 𝐑𝐚𝐲 𝐚𝐦𝐚𝐧-𝐝𝐫𝐞𝐧𝐢𝐧𝐲

Nitarika fisamborana haingana ireo ray aman-drenin’ny zaza ity heloka bevava ity. Araka ny fanazavan’ny manam-pahefana, dia noahiahiana ho nahavita famonoana olona iniana natao ity ilay raikeliny, raha voarohirohy ho niara-nanampy azy kosa ny reniny. Samy efa nalain’ny zandary am-pitandremana izy mivady ireo, ary nentina natao famotorana.

𝐅𝐚𝐦𝐨𝐧𝐨𝐚𝐧𝐚 𝐯𝐨𝐚𝐨𝐦𝐚𝐧𝐚

Araka ny loharanom-baovao azo avy amin’ny manam-pahefana, efa nomanin’ny rainy (Raikeliny raha ny marimarina kokoa) mialoha ity famonoana ity. Nilaza ity farany fa tsy nahatsapa fitiavana avy amin’ny vadiny intsony izy hatramin’ny nahaterahan’ilay zaza.

Voalaza ihany koa fa mbola 7 volana bevohoka tamin’i Josoa ramatoa vao niara-nonina tamin’ilay rangahy, ary rehefa teraka ny zaza dia nanambara ity farany fa homena ho tezain’ny fianakaviana iray eny Sabotsy Namehana.

Kanjo hay famitahana fotsiny izany. Tsy nisy olona nandray an’ilay zaza teny amin’ny toerana nolazaina. Tetsy andaniny, nosamborina teny Ambohimangakely ilay lehilahy, raha teny Ambohimalaza kosa no nahatrarana an-dramatoa. Nambaran’ny mpitandro filaminana fa mbola tratra teny amin’ny tokantranony ireo fitafiana nampiasain’ilay rangahy nandritra ny famonoana an’i Josoa kely. Isaorana ny Nahary fa tsy nahafaty azy ny famonoana ity zaza ity

Mitohy ny fanadihadiana, ary an-dalam-panaovana fanadihadiana lalina ny manam-pahefana amin’ity tranga mahatsiravina ity.