𝐅𝐢𝐨𝐦𝐚𝐧𝐚𝐧𝐚 𝐚𝐦𝐢𝐧’𝐧𝐲 𝐅𝐢𝐤𝐚𝐨𝐧𝐚𝐧𝐝𝐨𝐡𝐚𝐦-𝐩𝐢𝐫𝐞𝐧𝐞𝐧𝐚 𝐃𝐢𝐧𝐢𝐤𝐚 𝐧𝐢𝐚𝐫𝐚𝐡𝐚𝐧𝐚 𝐭𝐚𝐦𝐢𝐧’𝐧𝐲 𝐡𝐞𝐫𝐲 𝐯𝐞𝐥𝐨𝐧𝐚 𝐬𝐲 𝐧𝐲 𝐀𝐧𝐭𝐞𝐧𝐢𝐦𝐢𝐞𝐫𝐚𝐧’𝐧𝐲 𝐑𝐚𝐢𝐚𝐦𝐚𝐧𝐝𝐫𝐞𝐧𝐲 𝐞𝐭𝐨 𝐌𝐚𝐭𝐬𝐢𝐚𝐭𝐫𝐚 𝐀𝐦𝐛𝐨𝐧𝐲

Natao teny amin’ny Tranompokonolona Ralaivelo Daniel Tsianolondroa, Fianarantsoa ny fankan-kevitra notarihin’ny Antenimieran’ny Raiamandreny Herivelona eto amin’ny faritra Matsiatra Ambony ho fiomanana amin’ny fikaonandoham-pirenena.

Nandray anjara tamin’ny hetsika ireo hery velona avy amin’ny sehatra sy rafitra samihafa, toy ny fiarahamonim-pirenena, antoko politika, ary vondrona kristianina. Anisan’ny hita sy nanome voninahitra ny fotoana i Nicolas Ramamonjy, mpanolotsaina an’i Solombavambahoaka Marie Michelle. Tanjona amin’ny dinika ny fanomanana an’ireo fandraisana andraikitra ho an’ny fikaonandoham-pirenena, izay tontosain’ny FFKM.

Nambaran’i Andriamatoa Benjamin Raharison, DAGR-n’ny Faritra Mahatsiatra Ambony, fa “olana ny eo amin’ny lahika hitarika ny dinika aty amin’ny faritra, satria mbola amin’ny sehatry ny Faritra ihany no misy ny antenimieran’ny ray Aman-dreny.” Tsy Mbola misy eny anivon’ny Kaominina sy ny Fokontany. Fantatra fa maneho fahavononana amin’ny fandraisana anjara amin’ny fikaonandoha ihany koa ny antoko IRMAR, izay hita nanatrika na teto an-toerana na tamin’ny dinika nasionaly.

Nangonin’i Ando R.